11.01.2025 | 19:00
Բառի բուն իմաստով մնացել ենք դրսում`լինելով միջազգային ճանաչման երգչախումբ, անթույլատրելի է. Հեքեքյան. ՏԵՍԱՆՅՈՒԹ
ՄԱԳԱՏԷ-ի ղեկավարը մեկնել է Ուկրաինա՝ Զելենսկիի հետ հանդիպման
Քաղաքականություն
12.06.2023 | 18:53
Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին հայտնել է, որ մեկնում է Ուկրաինա, որտեղ մտադիր է հանդիպել Ուկրաինայի նախագահ Վլադիմիր Զելենսկու հետ և այցելել Զապորոժիեի ատոմակայան, հաղորդում է ՏԱՍՍ-ը։
«Ուղևորվում եմ Ուկրաինա, որտեղ կհանդիպեմ նախագահ Զելենսկու հետ»,- Twitter-ում գրել է գործակալության ղեկավարը։
Նա հավելել է, որ մտադիր է նաև գնահատել Զապորոժիեի ԱԷԿ-ում ստեղծված իրավիճակը, ՄԱԳԱՏԷ-ի փորձագետների թիմի ռոտացիա իրականացնել և ներկայացնել օգնության ծրագիր Կախովկա ՀԷԿ-ի ամբարտակի ոչնչացումից հետո։ Գրոսսիի խոսքով՝ ՄԱԳԱՏԷ-ն կամրապնդի իր ներկայությունն ատոմակայանում։
Ավելի վաղ Գրոսսին ՄԱԿ-ի Անվտանգության խորհրդին առաջարկել էր աջակցել Զապորոժիեի ԱԷԿ-ի անվտանգության ապահովման հինգ սկզբունքներին, այն է՝ թույլ չտալ հարձակումներ ատոմակայանի վրա կամ նրա տարածքից, չտեղակայել ծանր սպառազինություն և ռազմական անձնակազմ ատոմակայանում, որոնք կարող են օգտագործվել հարձակման համար, չվտանգել կայանի էլեկտրամատակարարումը, ապահովել կայանի անվտանգ շահագործումն ապահովող բոլոր կառույցների և համակարգերի պաշտպանությունը, չձեռնարկել որևէ գործողություն, որը խաթարում է այդ սկզբունքները։
Գործակալությունը հայտնել է, որ Զապորոժիեի ԱԷԿ կատարած այցի ընթացքում ՄԱԳԱՏԷ-ի ղեկավարը մտադիր է գնահատել իրավիճակը՝ իր առաջարկած սկզբունքներին համապատասխան։
