18.03.2026 | 18:19
Ալվարո Արբելոան ռեկորդ է գրանցել «Ռեալում»
Օդի աղտոտվածության չափիչ սարք պետք է տեղադրվի շինհրապարակում. նորմայից ավել գրանցեց՝ պետք է տուգանել․ ՏԵՍԱՆՅՈՒԹ
Հասարակություն
12.06.2023 | 12:54
Օդի աղտոտվածության չափիչ սարք պետք է տեղադրվի շինհրապարակում։ Նորմայից ավել գրանցեց՝ պետք է տուգանել։ Այս մասին այսօր Երևանի գործակարգավարական նիստում այս մասին նշեվ Երևանի փոխքաղաքապետ Տիգրան Ավինյանը։
«Մեր հիմնական նպատակը պետք է լինի այն, որ ոչ թե գնանք, տեսնենք՝ մարդը փոշու որսիչ ցանցը տեղադրե՞լ է, թե՞ ոչ, այլ նախ պարտադրենք, որ համապատասխան սարքերը լինեն շինհրապարակների մոտ՝ շինարարների կողմից տեղադրված, բայց մեր կողմից վերահսկվող: Եվ ըստ այդ չափիչ սարքերից ստացված տեղեկատվության՝ մենք արդեն համապատասխան որոշում կայացնենք՝ տուգանո՞ւմ ենք շինարարին, թե՞ ոչ»,- նշեց Ավինյանը։
«Մեզ պետք է մի սարք դնել, որը շինհրապարակին մոտ է լինելու: Շաբաթվա ընթացքում փոշու հետ կապված՝ սարքը թույլատրելի սահմանաչափից ավելի ցույց տվեց՝ վերջ, տուգանվում է: Սա պետք է լինի տրամաբանությունը: Էլ չընկնենք նայենք՝ ցանց ունի-չունի: Ոնց ուզում է՝ թող կազմակերպի»,- նշեց փոխքաղաքապետը:
Մանրամասները՝ տեսանյութում։
