18.09.2026 | 15:38
Ռուբեն Վարդանյանը դիմել է Ադրբեջանի ՄԻՊ-ին՝ բարձրաձայնելով Ումբակիում պահվող հայերի իրավունքների խախտումների մասին
Իրաքյան Քուրդիստանը դեմ է, որ PKK-ն իր տարածքից հարձակվի Թուրքիայի վրա
Քաղաքականություն
04.07.2018 | 18:42
Հյուսիսային Իրաքի քրդական ինքնավարության ղեկավար Նեչիրվան Բարզանին կառավարության նիստից հետո լրագրողների հետ զրույցում տեղեկացրել է, որ հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ. տեղեկացնում է ermenihaber-ը:
Դրա ընթացքում Բարզանին հույս է հայտնել, որ երկկողմ հարաբերություներն ավելի կընդլայնվեն։ Նա տեղեկացրել է, որ առաջիկայում պատրաստվում է մեկնել Թուրքիա և հանդիպել Էրդողանի հետ։ Բացի այդ էլ նա Էրդողանին շնորհավորել է նախագահի պաշտոնում վերընտրվելու կապակցությամբ։
Քուրդ պաշտոնյան նաև անդրադարձել է հյուսիսային Իրաքում հենակետեր և ռազմաբազաներ ունեցող «Քուրդիստանի բանվորական կուսակցության» (ՔԲԿ-PKK) խնդրին։
«PKK-ն Քուրդիստանի տարածքի մի մասն օկուպացրել է։ Նրանք այստեղից հարձակվում են Թուրքիայի վրա։ Մենք դեմ ենք դրան։ Մենք դեմ ենք, որ Քուրդիստանի տարածքից Թուրքիայի և Իրանի դեմ հարձակումներ լինեն։ Մի քանի անգամ պահանջել ենք, որ իրանի դեմ տրամադրված ուժերը և քուրդ զինյալներն այստեղից հարձակումներ չգործեն Իրանի և Թուրքիայի վրա»,- շեշտել է Բարզանին։
