15.12.2025 | 14:21
Ամերիկացի հայտնի դերասան Ռոբ Ռայներն ու կինը մահացած են հայտնաբերվել Լոս Անջելեսում իրենց տանը
Խերսոնում տարհանման ժամանակ հրետակոծության հետևանքով 9 մարդ է վիրավորել
Քաղաքականություն
08.06.2023 | 19:28
Խերսոնում հրետակոծության հետևանքով 9 մարդ է վիրավորվել։ Այս մասին հայտնել է Խերսոնի շրջանային ռազմական վարչակազմի ղեկավար Ալեքսանդր Պրոկուդինը, գրում է BBC-ի ռուսական ծառայությունը։
Ըստ Ուկրաինայի արտակարգ իրավիճակների պետական ծառայության ղեկավար Սերգեյ Կրուկի՝ տուժողների թվում են ծառայության երկու աշխատակիցներ՝ սակրավոր ջրասուզորդը և սակրավորի վարորդը։ Նա նաև հրապարակել է լուսանկարներ, որտեղ երևում է, թե ինչպես են փրկարարները պատսպարվում կրակոցներից: Վիրավորվել են նաև ոստիկան, բժիշկ և կամավոր Գերմանիայից։
Ուկրաինան ռուս զինվորականներին մեղադրում է Կախովկա հիդրոէլեկտրակայանի ոչնչացման հետևանքով հեղեղված Խերսոնի շրջանի բնակիչների տարհանման ժամանակ հրետակոծության մեջ։
Հիշեցնենք, որ Կախովկա ՀԷԿ-ում, որն արդեն մեկ տարուց ավելի վերահսկում են ռուս զինվորականները, հունիսի 6-ի առավոտյան պայթյունից հետո անվերահսկելի արտահոսք է տեղի ունենում։ Ջուրը հեղեղել է բազմաթիվ բնակավայրեր։ Կիևը հայտարարել է, որ ռուսական զորքերն են պայթեցրել ՀԷԿ-ի ամբարտակը։ ՌԴ-ն հերքում է՝ փոխարենը տեղի ունեցածի համար մեղադրելով ուկրաինական կողմին։
Էմմա Չոբանյան
