14.08.2026 | 19:40
Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող ևս 1 հողատարածք
Կիևը և ՄԱԿ-ը պայմանավորվել են Կախովկա ՀԷԿ-ի ավերումից հետո օկուպացված տարածքներից տարհանել տուժաներին․ Ուկրաինայի ԱԳՆ
Քաղաքականություն
08.06.2023 | 18:43
Ուկրաինայի արտաքին գործերի նախարար Դմիտրի Կուլեբան ՄԱԿ-ի մարդասիրական օգնության համակարգող Դենիզ Բրաունի հետ պայմանավորվել է ավելացնել ջրհեղեղից տուժածներին օգնությունը, որն առաջացել է Կախովկա հիդրոէլեկտրակայանի ավերման հետևանքով, գրում է BBC-ի ռուսական ծառայությունը։
Ուկրաինայի ԱԳՆ-ի համաձայն՝ կողմերը պայմանավորվել են, որ ՄԱԿ-ն անհապաղ խմբեր կձևավորի Զապորոժիեում և Խերսոնում՝ օգնություն ցուցաբերելու և մարդկանց տարհանելու Դնեպրի ձախ ափի օկուպացված տարածքներից։
«Կողմերը պայմանավորվել են, որ ՄԱԿ-ի հիշյալ ստորաբաժանումները մեր տարածքներից կմեկնեն ժամանակավորապես օկուպացված տարածքների տուժած շրջաններ, երբ Ռուսաստանը մուտքի և անվտանգության երաշխիքներ տրամադրի»,- ասվում է հաղորդագրության մեջ։
ՌԴ-ն ՄԱԿ-ի հետ համագործակցության մասով տեղեկություն չի հայտնել։
Ուկրաինայի նախագահ Վլադիմիր Զելենսկին նախօրեին խստորեն քննադատել էր ՄԱԿ-ին և Կարմիր խաչին՝ Կախովկա հիդրոէլեկտրակայանի ավերմանը ժամանակին չարձագանքելու համար, որը հանգեցրել է տարածաշրջանում հումանիտար աղետի։
Հիշեցնենք, որ Կախովկա ՀԷԿ-ում, որն արդեն մեկ տարուց ավելի վերահսկում են ռուս զինվորականները, հունիսի 6-ի առավոտյան պայթյունից հետո անվերահսկելի արտահոսք է տեղի ունենում։ Ջուրը հեղեղել է բազմաթիվ բնակավայրեր։ Կիևը հայտարարել է, որ ռուսական զորքերն են պայթեցրել ՀԷԿ-ի ամբարտակը։ ՌԴ-ն հերքում է՝ փոխարենը տեղի ունեցածի համար մեղադրելով ուկրաինական կողմին։
Էմմա Չոբանյան
