18.03.2026 | 18:25
Ախուրյանցի կնոջ խափանման միջոցը փոխվել է տնային կալանքով․ նրան վերագրվում է Փաշինյանի հասցեին բռնության կոչ պարունակող գրառում
Ադրբեջանի ԱԳՆ-ն՝ իր կողմից վաշինգտոնյան բանակցությունների հետաձգման մասին
Քաղաքականություն
08.06.2023 | 17:17
Ադրբեջանի ԱԳՆ-ն անդրադարձել է հունիսի 12-ին Վաշինգտոնում նախատեսված Հայաստանի և Ադրբեջանի ԱԳ նախարարների հանդիպումն իր խնդրանքով հետաձգելու հարցին։
Ադրբեջանի ԱԳՆ խոսնակ Այխան Հաջիզադեն չի պարզաբանել, թե ինչու է ադրբեջանական կողմը որոշել հետաձգել հանդիպումը։ Նա նշել է միայն, որ ներկայում բանակցություններ են ընթանում Ադրբեջանի և Հայաստանի ԱԳ նախարարների հանդիպման նոր ժամկետի հստակեցման համար։
«Մենք հուսով ենք, որ այդ հանդիպումը կկայանա առաջիկայում»,- ասել է Հաջիզադեն՝ հավելելով, որ ընդունված պրակտիկայի համաձայն՝ ընդունող կողմը կհայտարարի հանդիպման օրվա մասին։
Հիշեցնենք՝ ՀՀ ԱԳՆ-ն այսօր տեղեկացրեց, որ ադրբեջանական կողմի խնդրանքով հաջորդ շաբաթ Վաշինգտոնում նախատեսվող բանակությունների հերթական փուլը հետաձգվում է:
«Հանդիպման նոր ժամկետների վերաբերյալ հանրությունը պատշաճ կերպով կտեղեկացվի»,- նշել էր ՀՀ ԱԳՆ խոսնակը։
Էմմա Չոբանյան
