18.03.2026 | 18:25
Ախուրյանցի կնոջ խափանման միջոցը փոխվել է տնային կալանքով․ նրան վերագրվում է Փաշինյանի հասցեին բռնության կոչ պարունակող գրառում
ԱՊՀ պետությունների կառավարությունների ղեկավարները 17 փաստաթուղթ են ստորագրել
Քաղաքականություն
08.06.2023 | 16:14
ԱՊՀ երկրների կառավարությունների ղեկավարները Սոչիում համագործակցության փաստաթղթերի փաթեթ: ԲԵԼՏԱ-ի փոխանցմամբ՝ նիստի մասնակիցները դիտարկել են օրակարգում ներառված բոլոր հարցերը և 17 փաստաթուղթ ընդունել։
Կառավարությունների ղեկավարները քննարկել և ստորագրել են ազատ առևտրի ծառայությունների ստեղծման, շահագործման և ներդրումների մասին համաձայնագիրը։ Քննարկման հիմնական թեմաներից է եղել ԱՊՀ անդամ երկրների արդյունաբերական համագործակցության զարգացումը։ Հանդիպմանն ընդունվել է համապատասխան հայեցակարգը և դրա մշակման միջոցառումների համալիրը մինչև 2030 թվականն ընկած ժամանակահատվածի համար։
Կառավարությունների ղեկավարները նաև ռադիացիայի իրավիճակի մոնիթորինգի տվյալների փոխանակման ոլորտում համագործակցության մասին համաձայնագիր են ստորագրել։
Կառավարությունների ղեկավարների խորհրդի որոշմամբ՝ 2024 թվականին Տաշքենդը (Ուզբեկստան) հռչակվել է ԱՊՀ երիտասարդական մայրաքաղաք, 2025 թվականին այն կլինի ադրբեջանական Գաբալան, իսկ 2026 թվականին՝ Հայաստանի Կապան քաղաքը։
Էմմա Չոբանյան
