05.10.2026 | 11:13
Բրազիլիայում նախագահական ընտրությունների երկրորդ փուլ կանցկացվի․ նախկին նախագահի որդին կմրցի երկրի գործող ղեկավարի հետ
ՏԱՐԱԿԱՐԾԻՔ. Քաղաքաշինությո՞ւնն է կարևոր, թե՞ քաղաքականությունը․ Արամ Մանուկյանը տեղ է «փնտրում»
Հաղորդաշարեր
05.07.2018 | 17:00
Երևանում հերթական նոր տեղադրված արձանը բուռն կրքեր է հարուցել, սակայն այս անգամ ոչ միայն երևանցիների և արվեստագետների, այլև՝ գերատեսչությունների մակարդակով։
Քաղաքաշինության պետական կոմիտեն օրերս հայտարարություն տարածեց՝ նշելով, որ առաջին հանրապետության հիմնադիրներից Արամ Մանուկյանի արձանի տեղադրման հարցում խախտվել են մի շարք օրենքներ ու քաղաքաշինական նորմեր, այդ պատճառով տարվող աշխատանքները հարկավոր է դադարեցնել։ Երևանի գլխավոր ճարտարապետ Տիգրան Բարսեղյանը սրան ի պատասխան հայտարարեց, որ քաղաքապետարանը արձանը ոչ կապամոնտաժի, ոչ էլ կտեղադրի այլ վայրում։ Այսինքն՝ Քաղաքաշինության կոմիտեի այն պնդումը, թե քաղաքապետարանը՝ որպես արձանի պատվիրատու, իր աշխատանքները չհամաձայնեցնելով լիազոր մարմնի՝ մշակույթի նախարարության հետ, վայրի ընտրության հարցում խախտել է «Պատմության և մշակույթի հուշարձանների պահպանության մասին» օրենքը, փաստացի հաշվի չի առնվում։
Արամ Մանուկյանի արձանն իր տեղն է գտել «Հանրապետության հրապարակ» կայարանի տարածքում, առաջիկայում էլ կկայանա բացման արարողությունը։ Ի վերջո՝ որքանո՞վ էր տեղին արձանի՝ տվյալ վայրում տեղադրումը, և որքանո՞վ է արդարացված այն ապամոնտաժելու պահանջը։
Մանրամասները՝ տեսանյութում։
Աննա Բաբաջանյան
