06.08.2026 | 17:06
Ռուսաստանի հավաքականի նախկին ֆուտբոլիստը որակազրկվել է դոպինգի համար
Կարմիր խաչի ներկայացուցիչները տեսակցել են ադրբեջանցիների կողմից առևանգված երկու զինծառայողներին
Հասարակություն
08.06.2023 | 14:23
Կարմիր խաչի միջազգային կոմիտեի ներկայացուցիչները երեկ տեսակցել են Ադրբեջանի զինված ուժերի կողմից առևանգված զինծառայողներ Հարություն Հովագիմյանին և Կարեն Ղազարյանին: Տեղեկությունը Factor.am-ին փոխանցեց Հայաստանում Կարմիր խաչի հաղորդակցման ծրագրերի ղեկավար Զառա Ամատունին:
«Մեր տեսակցության նպատակն էր առաջին հերթին իրենց պահման պայմաններին ծանոթանալ»,- ասաց Զառա Ամատունին։
Ամատունու խոսքով՝ առևանգված զինծառայողների ընտանիքների հետ կապը հաստատվել է Կարմիր խաչի նամակների տեսքով։
Հիշեցնենք, որ մայիսի 26-ին մարտական դիրքեր սնունդ մատակարարող երկու զինծառայողի հետ կապն ընդհատվել էր: Մայիսի 27-ին Պաշտպանության նախարարությունը հայտնել էր, որ միջդիրքային ճանապարհին հայտնաբերվել է թիկունքային մատակարարման ավտոմեքենան, որում եղել է նաև զինվորներից մեկին ամրակցված զենքը: Քննչական կոմիտեից ավելի ուշ տեղեկացրել էին, որ նախնական տվյալով՝ հակառակորդի զինված խումբը հատել է սահմանը և առևանգել զինծառայողներին:
