10.01.2025 | 23:14
ՊԵԿ նախագահն ընդունել է Հնդկաստանի դեսպանին
Փաշինյանը Միշուստինի հետ հանդիպմանը Վերին Լարսի անցակետի թողունակության հարց է բարձրացրել
Քաղաքականություն
07.06.2023 | 18:12
Սոչիում տեղի է ունեցել ՀՀ վարչապետ Նիկոլ Փաշինյանի հանդիպումը ՌԴ վարչապետ Միխայիլ Միշուստինի հետ: Հանդիպմանը Փաշինյանը Վերին Լարսի մաքսակետի վերակառուցման աշխատանքների ավարտի ժամկետների հետ կապված հարց է բարձրացրել, գրում է Ինտեֆաքսը։
«Արդեն ամռան սեզոն է, և մեզ արդեն մի փոքր անհանգստացնում է Վերին Լարսի մաքսակետի թողունակությունը»,- ասել է նա։
Ըստ Փաշինյանի՝ սա կարևոր նրբերանգ է, որը մղելու է Ռուսաստանի և Հայաստանի տնտեսական հարաբերությունների հետագա զարգացմանը։
Իր հերթին, Միշուստինն ասել է, որ ՌԴ տրանսպորտի նախարար Վիտալի Սավելևի հետ քննարկել է Վերին Լարսի անցակետի վերակառուցման հարցերը։
«Նա համապատասխան խոստումներ է տվել՝ մինչև հունիսի 15-ն ավարտել բոլոր աշխատանքները, ինչպես ես եմ հասկանում՝ սա ևս չորս գիծ է ներառում»,- ասել է Միշուստինը։
ՌԴ Մաքսային ծառայության ղեկավարի ժամանակավոր պաշտոնակատար Ռուսլան Դավիդովն էլ խոստացել է, որ եթե մինչև հունիսի 15-ը նախարարությունը ճանապարհային գոտիները հանձնի, ապա այդ կետում առաջացած խցանումը կվերացվի մեկ շաբաթվա ընթացքում։
«Այնպես որ՝ նրանք պետք է դա անեն հունիսի 15-ին, իսկ հունիսի 22-ին Դավիդովը կպատասխանի, որպեսզի խցանումներ չլինեն: Պայմանավորվեցինք»,- ասել է Միշուստինը:
Փաշինյանն ընդգծել է, որ դա լավ նորություն է։
Հիշեցնենք, որ Նիկոլ Փաշինյանը հունիսի 7-9-ն աշխատանքային այցով գտնվում է Ռուսաստանում։ Սոչիում վարչապետը կմասնակցի Եվրասիական միջկառավարական խորհրդի և ԱՊՀ կառավարությունների ղեկավարների խորհրդի նիստերին, ինչպես նաև Եվրասիական երրորդ կոնգրեսի աշխատանքներին։
Էմմա Չոբանյան
