18.03.2026 | 18:25
Ախուրյանցի կնոջ խափանման միջոցը փոխվել է տնային կալանքով․ նրան վերագրվում է Փաշինյանի հասցեին բռնության կոչ պարունակող գրառում
ԱՄՆ-ում դպրոցական ավարտական վկայականների հանձնման արարողության ժամանակ հրաձգությունը երկու մարդու կյանք է խլել
Քաղաքականություն
07.06.2023 | 13:41
ԱՄՆ Վիրջինիա նահանգի Ռիչմոնդ քաղաքում հրաձգության հետևանքով զոհվել է երկու մարդ, ևս հինգը վիրավորվել է։ Դեպքը տեղի է ունեցել թատրոնի մոտ, որտեղ միջնակարգ դպրոցի շրջանավարտների ավարտական վկայականների հանձնման արարողությունն է կազմակերպվել, հաղորդում է Euronews-ը։
Նշվում է, որ 19-ամյա կասկածյալը փորձել է փախչել հանցագործության վայրից, սակայն ձերբակալվել է։ Նրան մեղադրանք է առաջադրվելու երկրորդ աստիճանի երկու սպանության համար։
Ոստիկանության տվյալներով՝ զոհերի թվում են շրջանավարտներից մեկը և արարողության 36-ամյա հյուրը, որոնցից առնվազն մեկին կասկածյալը ծանոթ է եղել։
Սա ԱՄՆ-ում այս տարի տեղի ունեցած արդեն 279-րդ զանգվածային հրաձգությունն է։
Էմմա Չոբանյան
