16.01.2026 | 21:00
ՔՆՆԱՐԿՈՒՄ․ Թրամփի ուղին մտնում է գործնական փուլ․ իրագործելի՞ է ՀՀ-ԱՄՆ մեգանախագիծը. ՏԵՍԱՆՅՈՒԹ
Վրաստանի նախագահը դատապարտել է Կախովկա ՀԷԿ-ի վրա հարձակումը
Քաղաքականություն
06.06.2023 | 20:28
Վրաստանի նախագահ Սալոմե Զուրաբիշվիլին դատապարտել է Ուկրաինայի «Կախովկա» ամբարտակի վրա հարձակումը և նշել, որ ռազմական հանցագործություններին պետք է իրավական պատասխան տրվի։ Aliq.ge-ի փոխանցմամբ՝ այս մասին Զուրաբշվիլին գրել է Twitter-ում։
«Ես կտրականապես դատապարտում եմ Ռուսաստանի կողմից իրականացված հերթական ռազմական հանցագործությունը։ Քաղաքացիական ենթակառուցվածքների, «Նովա Կախովկա» ամբարտակի վրա սարսափելի հարձակումը հերթական անգամ ցույց է տալիս Ռուսաստանի դաժան մարտավարությունը։
Այս ռազմական հանցագործությունները պետք է իրավական պատասխան ստանան։ Վրաստանը կանգնած է Ուկրաինայի կողքին»,- գրել է Վրաստանի նախագահը։
Նշենք, որ հունիսի 6-ի ուշ գիշերը Ռուսաստանը պայթեցրել է Ուկրաինայի «Նովա Կախովկա» ամբարտակը։ Տեղեկության համաձայն՝ ջուրը մեծ քանակությամբ և մեծ արագությամբ շարժվում է դեպի բնակեցված տարածքներ։ Ուկրաինայի ՆԳՆ-ն արդեն առանձնացրել է առավելագույն ռիսկայնության հինգ գոտի, այդ թվում՝ Խերսոն քաղաքի մի մասը։
