25.07.2026 | 14:44
Անտոնիու Գուտերեշը ժամանել է Սիրիա
ԱՄՆ-ը պատժամիջոցներ է սահմանել ՌԴ քաղաքացիների նկատմամբ Մոլդովայում իրավիճակի ապակայունացման փորձի պատճառով
Քաղաքականություն
06.06.2023 | 13:51
ԱՄՆ-ը պատժամիջոցներ է սահմանել Ռուսաստանի 7 քաղաքացու նկատմամբ, որոնք պատասխանատու են Մոլդովայում «Ռուսաստանի իշխանությունների ապակայունացման ու չարաշահող ազդեցության արշավի համար»։ Այս մասին ասվում է ԱՄՆ Ֆինանսների նախարարության տարածած հաղորդագրությունում, գրում է DW-ի ռուսական ծառայությունը։
Անձինք, որոնց նկատմամբ պատժամիջոցներ են կիրառվել, բնութագրվում են որպես «ռուսական հետախուզության հետ կապված վնասակար ազդեցության խմբի առաջատար անդամներ», որոնք փորձում են «օգտվել այլ երկրների քաղաքացիների մտավախություններից» և «ապակայունացնել օրինական ընտրված իշխանությունները»:
«Այսօր կիրառված պատժամիջոցները լույս են սփռում Ռուսաստանի շարունակվող ջանքերի վրա՝ ապակայունացնելու ժողովրդավարական պետությունները»,- հայտարարել է ԱՄՆ ֆինանսների նախարար Բրայան Նելսոնը։
2023 թվականի սկզբին Մոլդովայի կառավարությունն ապակայունացնելու դավադրությունը կազմակերպած խմբի ղեկավարը, ըստ Վաշինգտոնի, Կոնստանտին Սապոժնիկովն է, որը ներառված է ցուցակում։
Սահմանափակումների ենթարկված անձանց մուտքն արգելվում է ԱՄՆ, այս երկրի տարածքում գտնվող նրանց ունեցվածքը կբռնագրավվի։ Ամերիկայի քաղաքացիներին արգելվում է նրանց հետ գործնական հարաբերություններ վարել։
Հավելենք, որ մայիսի 30-ին ԵՄ-ն էր առաջին անգամ պատժամիջոցներ սահմանել «Մոլդովայում իրավիճակի ապակայունացմանն ուղղված գործողությունների համար»։
Էմմա Չոբանյան
