07.10.2026 | 23:48
Արթուր Դանիելյանը կալանավորվեց
Եթե 10 մլրդ եվրոյի լավ ծրագիր ունենանք, գումարը կլինի, ՀՀ-ի վարկունակությունը բարձր է. նախարար
Տնտեսություն
05.06.2023 | 16:26
Հայաստանի վարկունակությունը շատ բարձր է: Այսօր ԱԺ Եվրոպական ինտեգրացիայի ու Ֆինանսավարկային և բյուջետային հարցերի մշտական հարցերի հանձնաժողովների համատեղ նիստում հայտարարեց ՀՀ ֆինանսների նախարար Վահե Հովհաննիսյանը։
Նախարարի խոսքով՝ Հայաստանը Եվրոպական միության հետ համաձայնություն ունի 2.8 մլրդ եվրո տրամադրելու վերաբերյալ, բայց ասել են` էլի կտան, եթե ծրագրեր լինեն․ «ԵՄ–ի հետ համաձայնություն ունենք։ Նպատակ է դրվել ձևավորվել այն ծրագրերի շրջանակը, որոնք պետք է ֆինանսավորվեն։ 1 օրում, 1 ամսում կամ 1 տարում հնարավոր չէ 2.8 մլրդ եվրոյի ծրագիր նախագծել։ Շարունակական աշխատանք է տարվում, և, որտեղ կա պատրաստի ծրագիր, ֆինանսավորվում է»։
Պատասխանելով «Քաղաքացիական պայմանագիր» խմբակցության պատգամավոր Վիգեն Խաչատրյանի հարցին՝ նախարարը նշեց․ «Եթե 10 միլիարդի լավ ծրագիր ունենաք, 10 միլիարդ էլ կա և կլինի, դա 2,8 միլիարդով չի սահմանափակվում:
Խնդիրն այստեղ փողի հասանելիությունը չի, այլ այն ծրագրերն են, որը մենք պետք է ունենանք, որպեսզի ներդրումներ կատարենք մեր երկրի զարգացման համար»։
Նշենք, որ նախարարի խոսքով՝ նախորդ տարի Հայաստանը ԵՄ–ից ստացել է 8 մլրդ 875 մլն դրամի չափով դրամաշնորհ։ Սրանցից նպատակային դրամաշնորհ է եղել մոտ 2 մլրդ 980 մլն դրամը, իսկ ոչ նպատակային` 5 մլրդ 895 մլն դրամը։ ԵՄ–ից ստացված վարկերը կազմել են 10 մլրդ դրամ։
Մանրամասները՝ տեսանյութում։
