24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Մայիսին ՌԴ-ն 300 իրանական ԱԹՍ է արձակել դեպի Ուկրաինա․ բրիտանական հետախուզություն
Քաղաքականություն
05.06.2023 | 12:59
Մայիսի ընթացքում Ռուսաստանն Ուկրաինայի ուղղությամբ 300 «Շահեդ» անօդաչու թռչող սարք է արձակել․ սա ԱԹՍ-ների ամենաինտենսիվ կիրառումն է։ Այս մասին ասվում է բրիտնական հետախուզության այսօրվա զեկույցում, գրում է BBC-ի ռուսական ծառայությունը։
Նշվում է, որ հնարավոր է՝ Ռուսաստանն այդքան «Շահեդներ» է արձակել՝ ստիպելու Ուկրաինային ծախսել ՀՕՊ համակարգերի նոր հրթիռների պաշարները։ Սակայն քիչ հավանական է, որ Ռուսաստանը հասել է հաջողության, քանի որ Ուկրաինան խոցել է անօդաչուների առնվազն 90 տոկոսը՝ օգտագործելով հին ՀՕՊ հրթիռներ։
«Ռուսաստանը, հավանաբար, փորձել է գտնել և խոցել ռազմաճակատից հեռու գտնվող ուկրաինական ուժերը։ Սակայն Ռուսաստանը մնում է շատ անարդյունավետ նման դինամիկ թիրախների խոցման հարցում՝ վատ թիրախավորման գործընթացի պատճառով»,- ասվում է զեկույցում։
Էմմա Չոբանյան
