08.10.2026 | 13:50
Էլեկտրամոբիլների արտոնյալ քվոտայից ոչ դիլերների համար մնացել է 386 ավտոմեքենա
Պրիգոժինի «Վագներ» խմբավորումը ՌԴ ԶՈՒ փոխգնդապետի է գերեվարել
Քաղաքականություն
05.06.2023 | 11:26
Ռուսական ռազմական «Վագներ» խմբավորման հիմնադիր Եվգենի Պրիգոժինը տեսանյութ է հրապարակել, որտեղ պատկերված է ՌԴ զինված ուժերի ենթադրաբար զինվորական, որը խոստովանում է, որ կրակել է «Վագներ» խմբավորմանը պատկանող մեքենայի վրա։ Նա ասում է, որ դա արել է «անձնական թշնամանքից դրդված»։ Տելեգրամյան ալիքում հրապարակված տեսանյութում հարցաքննվող գերեվարված զինվորականը ներկայանում է որպես ՌԴ ԶՈՒ-ի 72-րդ բրիգադի հրամանատար Ռոման Վենևիտին։ Նա խոստովանում է, որ հարբած վիճակում «Վագների» նկատմամբ անձնական թշնամանքի» պատճառով կրակել է նրանց պատկանող մեքենայի վրա, ինչպես նաև զինաթափել է Պրիգոժինի մի խումբ զինյալների, գրում է DW-ի ռուսական ծառայությունը։
Պրիգոժինը վերջին օրերին բազմիցս հայտնել է ՌԴ ՊՆ ստորաբաժանումների ու խմբավորման միջև շարունակվող կոնֆլիկտների մասին։ Մասնավորապես, նա հայտարարել էր, որ ՌԴ ՊՆ հրամանով ռուս զինվորները հարյուրավոր հակատանկային ականներ են տեղադրել Բախմուտից իր զինյալների հեռանալու ճանապարհին։
ՌԴ ՊՆ-ն դեռ որևէ կերպ չի մեկնաբանել Պրիգոժինի հրապարակած տեսանյութը։
