14.08.2026 | 22:48
Անձրև, ամպրոպ, որոշ շրջաններում՝ հորդառատ տեղումներ. եղանակի կանխատեսումը
Օրբանը հայտարարել է, որ «աղոթել է Թուրքիայի ընտրություններում Էրդողանի հաղթանակի համար»
Քաղաքականություն
02.06.2023 | 18:50
Հունգարիայի վարչապետ Վիկտոր Օրբանը հայտարարել է, որ Թուրքիայի նախագահական ընտրություններում Ռեջեփ Թայիփ Էրդողանի հաղթանակը մեծ թեթևացում է ստեղծել իր համար, և որ նույնիսկ աղոթել է նրա հաղթանակի համար, հաղորդում է Euronews-ի թուրքական ծառայությունը։
«Եթե Էրդողանը չհաղթեր, Սորոսի մարդը կբացեր սահմանները ներգաղթյալների համար։ Ես շատ եմ աղոթել հաղթանակի համար։ Ես ոչ միայն աջակցել եմ Էրդողանին, այլև շատ եմ աղոթել։ Եթե նա չհաղթեր, ողբերգություն կլիներ»,- ասել է Օրբանը։
Նա նշել է, որ «Էրդողանի հաղթանակն օդի պես էր պետք»։
Անդրադառնալով ընդդիմության միասնական թեկնածու Քեմալ Քըլըչդարօղլուին՝ Օրբանը պնդել է, որ նրա հաղթանակի դեպքում «Թուրքիայի սահմանները կբացվեին փախստականների առաջ»։
Հավելենք, որ մայիսի 28-ին Թուրքիայի նախագահական ընտրությունների երկրորդ փուլում հաղթանակից հետո Վիկտոր Օրբանն առաջին օտարերկրյա ղեկավարներից էր, որը շնորհավորել էր Էրդողանին։
Էմմա Չոբանյան
