06.06.2026 | 19:51
Հայաստանի հավաքականը ոչ-ոքի խաղաց Ղազախստանի հետ, Սպերցյանը գոլ խփեց
Շոլցն ու Մակրոնը կոչ են անում Կոսովոյի հյուսիսում նոր ընտրություններ անցկացնել
Քաղաքականություն
02.06.2023 | 15:28
Գերմանիայի կանցլեր Օլաֆ Շոլցի և Ֆրանսիայի նախագահ Էմանուել Մակրոնի կարծիքով Կոսովոյի հյուսիսում լարվածությունը թուլացնելու համար պետք է նոր ընտրություններ անցկացվեն, գրում է Euronews-ը։ Նրանք Բելգրադին ու Պրիշտինային առաջարկում են հյուսիսային Կոսովոյի քաղաքներում, որտեղ մեծամասնություն է կազմում սերբերը, մունիցիպալ նոր ընտրություններ անցկացնել:
Լարվածությունը ծագել էր այն բանից հետո, երբ էթնիկ սերբերը տեղական ընտրությունների բոյկոտել էին, ինչի հետևանքով մի քանի քաղաքում ալբանական փոքրամասնության ներկայացուցիչներն էին ընտրվել:
«Այն, ինչ մենք պահանջել ենք երկու կողմերից, շատ պարզ է՝ այս չորս համայնքներում հնարավորինս շուտ կազմակերպել նոր ընտրություններ՝ Կոսովոյի կողմից պարտավորություններ, Սերբիայի կողմից այդ ընտրություններում թափանցիկ մասնակցություն և Կոսովոյից սերբական մունիցիպալիտետների ասոցիացիայի հարցի առաջնահերթ կարգավորում»,-ասել է Էմանուլ Մակրոնը։
Եվրոպական դիվանագիտության ղեկավար Ժոզեպ Բորելը նախօրեին Մոլդովայում Եվրոպական քաղաքական համայնքի գագաթնաժողովի շրջանակներում այս խնդրի շուրջ երկկողմանի բանակցություններ է անցկացրել Սերբիայի նախագահ Ալեքսանդր Վուչիչի հետ։
Էմմա Չոբանյան
