25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Վաղը տեղի կունենա Էրդողանի երդմնակալության արարողությունը. ո՞ր երկրների ղեկավարներն են մասնակցելու
Քաղաքականություն
02.06.2023 | 13:41
Թուրքիայի նախագահ Ռեջեփ Թայիփ Էրդողանի երդմնակալության արարողությունը տեղի է ունենալու վաղը՝ հունիսի 3-ին, գրում են տեղական լրատվամիջոցները։
Հաղորդվում է, որ միջոցառմանը մասնակցելու են 20 երկրներ ղեկավարներ և 45 նախարարներ։ Արարողությանը թյուրքական պետությունները ներկայացված կլինեն մեծ կազմով։ Առաջնորդների մակարդակով կմասնակցեն Ադրբեջանի նախագահ Իլհամ Ալիևը, ինչպես նաև այլ երկրներ։
Ղազախստանի նախագահի աշխատակազմից հայտնել են, որ երկրի ղեկավար Կասիմ-Ժոմարտ Տոկաևն աշխատանքային այցով կմեկնի Անկարա՝ մասնակցելու երդմնակալության միջոցառմանը։
Որոշ երկրներ կներկայացնեն ԱԳ նախարարները։ Սոմալիի, Ալժիրի և Բալկանյան երկրների մասնակցությունը կլինի նախագահների մակարդակով։
Ըստ տեղեկությունների՝ շաբաթ Անկարա է այցելելու նաև ՆԱՏՕ-ի գլխավոր քարտուղար Յենս Ստոլտենբերգը՝ մասնակցելու նախագահ Էրդողանի երդմնակալության արարողությանը։ Միջոցառումից հետո Էրդողանի առաջին հյուրը լինելու է Արաբական Միացյալ Էմիրությունների էմիր Մուհամմեդ բեն Զայեդը։ Էրդողանի հետ երկկողմ հանդիպումից հետո ԱՄԷ էմիրը դիտելու է Ստամբուլում կայանալիք Չեմպիոնների լիգայի եզրափակիչ խաղը։
Հավելենք, որ ավելի վաղ Ստոլտենբերգը հայտնել էր Թուրքիա այցի մասին՝ ՆԱՏՕ-ին Շվեդիայի անդամակցության հարցը քննարկելու նպատակով։
Էմմա Չոբանյան
