06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
Ընտրություններում պարտությունից հետո Քըլըչդարօղլուի կուսակցության կենտրոնական վարչության անդամները հրաժարական են տվել
Քաղաքականություն
02.06.2023 | 14:02
Թուրքիայի նախագահական ընտրությունների երկրորդ փուլում ընդդիմության միասնական թեկնածու Քեմալ Քըլըչդարօղլուի պարտությունից հետո Ժողովրդահանրապետական կուսակցության Կենտրոնական գործադիր վարչության առաջին նիստի ժամանակ 17 անդամներ բանավոր հայտնել են հրաժարականի մասին։ Կուսակցության նախագահն ընդունել է նրանց հրաժարականը, գրում է Bianet-ը։
Քըլըչդարօղլուն պատրաստվում է առաջիկա օրերին վարչության նոր անդամների նշանակել։ Տեղեկություններ կան, որ Քըլըչդարօղլուն մտադիր է շարունակել ղեկավարել կուսակցությունը 2024 թվականի մարտին կայանալիք տեղական ընտրություններում, մինչդեռ որոշ փոխնախագահներ մտածում են հրաժարականի մասին:
Մայիսի 14-ի և 28-ի ընտրություններից հետո, որոնք փշրեցին նախագահ Ռեջեփ Թայիփ Էրդողանի իշխանությունը տապալելու նկրտումները, Թուրքիայի ընդդիմությունն այժմ կանգնած է մեկ տարվա ընթացքում տեղական ընտրությունների համար վերախմբավորվելու խնդրի առաջ։ Ընտրությունների արդյունքները խորը հիասթափություն էին ընդդիմադիր դաշինքի ու Ժողովրդահանրապետական կուսակցության համար, որի անդամները հրապարակավ կոչ են անում Քըլըչդարօղլուին հրաժարական տալ նախագահի պաշտոնից։
Էմմա Չոբանյան
