14.09.2026 | 15:10
Ռուբինյանի արձագանքը Հաջիևի հայտարարություններին // Ռոբերտ Քոչարյանը սրտաբանի հսկողության ներքո է․ ԼՈՒՐԵՐ
Ձերբակալված քննիչներից երկուսը կալանավորվել են, մեկի նկատմամբ խափանման միջոց է ընտրվել տնային կալանքը
Հասարակություն
02.06.2023 | 12:30
Քննչական կոմիտեի Արաբկիրի բաժնի 3 քննիչներից երկուսը կալանավորվել է, մեկի նկատմամբ կիրառվել է տնային կալանք։ Այս մասին տեղեկությունը Factor.am-ին հայտնում են Հակակոռուպցիոն դատարանից։
Հիշեցնենք, որ Ազգային անվտանգության ծառայությունը մայիսի 31-ին ձերբակալել է Քննչական կոմիտեի Արաբկիրի քննչական բաժնի 4 քննիչի։ Նրանց մեղադրանք է ներկայացվել Քրեական օրենսգրքի 393-րդ հոդվածի 1-ին մասով և 441-րդ հոդվածի 2-րդ մասով՝ իրացնելու նպատակով թմրամիջոց ձեռք բերելը և պաշտոնեական լիազորությունները չարաշահելը կամ անցնելը։ Քննիչներից մեկին կալանավորելու միջնորդություն դատարան չի ներկայացվել, իսկ մյուս երեքին կալանավորելու վերաբերյալ միջնորդությունները քննվել են երեկ՝ հունիսի 1-ին, դատավորներ Սարգիս Դադոյանի, Վահե Դոլմազյանի և Տիգրան Դավթյանի կողմից։ Ըստ իրավապահների՝ քննիչներն իրացրել են իրենց վարույթներում առկա, քրեական գործով իրեղեն ապացույց ճանաչված թմրամիջոցը։
Արաքս Մամուլյան
