24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Հաջորդ հանդիպումը տեղի կունենա հուլիսի 21-ին Բրյուսելում․ Շառլ Միշել
Քաղաքականություն
01.06.2023 | 20:18
Հուլիսի 21-ին Բրյուսելում նախատեսված է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի եռակողմ հանդիպումը։ Այս մասին Մոլդովայում լրագրողներին հայտնել է Շառլ Միշելը։
«Մենք առիթ ունեցանք անդրադառնալու բոլոր այն թեմաներին, որոնք քննարկել ենք մայիսին Բրյուսելում։ Մենք առիթ ունեցանք քննարկելու հաղորդակցության ուղիների, սահմանների սահմանազատման, խաղաղության պայմանագրի հարցերը։ Այս հանդիպումը շատ լավ նախապատրաստություն էր հաջորդ հանդիպման համար, որը տեղի կունենա հուլիսի 21-ին Բրյուսելում: Դա նշանակում է, որ մենք քրտնաջան աշխատում ենք և մտադիր ենք աջակցել բոլոր դրական ջանքերին՝ հարաբերությունների կարգավորման ուղղությամբ»,- ասել է նա։
Նա նշել է, որ Ալիևին, Փաշինյանին, Գերմանիայի կանցլեր Շոլցին և Ֆրանսիայի նախագահ Մակրոնին հայտնել է, որ մտադիր է հրավիրել՝ հանդիպելու Իսպանիայում կայանալիք Եվրոպական քաղաքական համայնքի հաջորդ հանդիպման շրջանակում։ Միշելն ասել է,որ դա նշանակում է` ԵՄ-ի կողմից կանեն ամեն ինչ, որպեսզի օգնեն ավելի մեծ առաջընթաց ապահովել հարաբերությունների կարգավորման ուղղությամբ։
Էմմա Չոբանյան
