09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Ադրբեջանը գնալու է ԼՂ-ի դեմ ռազմական օպերացիայի․ Ալիևն իր սպառնալիքները միշտ փորձել է իրագործել․ Սամվել Մելիքսեթյան․ ՏԵՍԱՆՅՈՒԹ
Քաղաքականություն
01.06.2023 | 20:32
Քաղաքագետ Սամվել Մելիքսեթյանը Factor TV-ին տված հարցազրույցում կանխատեսում է Ադրբեջանի կողմից ռազմական ուժի կիրառման սցենար Լեռնային Ղարաբաղի դեմ, և նշում, որ անհրաժեշտ է պատրաստ լինել այդ սցենարին։
«Ռազմական ագրեսիայով և Հայաստանի Հանրապետության սուվերեն տարածքների օկուպացիայով Ադրբեջանը շանտաժ արեց այն նպատակով, որ ՀՀ-ն հրաժարվի ԼՂ-ի հարցով իր պահանջներից։ Սա նրանց կողմից հատուկ իրականացվող ռազմավարություն է։ Ես կարծում եմ, որ Ադրբեջանը գնալու է ԼՂ-ի դեմ ռազմական օպերացիայի, քանի որ մինչև հիմա Ալիևն իր սպառնալիքները միշտ փորձել է իրագործել։ ՌԴ-ն կհարմարվի Լեռնային Ղարաբաղ Ադրբեջանի ներխուժման հետ․ մեզ համար ծանր հետևանքն իր համար կառավարելի իրավիճակ է։ Եթե Ադրբեջանի ռազմական հարձակումից Արցախի բնակչությանը չենք կարողանալու պաշտպանել, պետք է տարհանել նրանց։ Ալիևը մտավախություն ունի՝ հայկական բանակը սպառնալիք կլինի տարիներ անց, և հիմա ինքը սպառնալիքների չափաբաժինը մեծացնում է։ Ալիևն անցել է Արցախի իշխանության մարմինների կազմալուծման խնդրին, և դա իր գլխավոր նպատակն է լինելու առաջիկա տարիներին»,- նշեց Սամվել Մելիքսեթյանը։
Հարցազրույցն ամբողջությամբ՝ տեսանյութում։
Ռոբերտ Անանյան
