14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Զուրաբիշվիլիի հրավերով Վրաստան կարող են ժամանել ԵՄ բարձրաստիճան պաշտոնյաներ
Քաղաքականություն
01.06.2023 | 15:47
Վրաստանի նախագահ Սալոմե Զուրաբիշվիլին լրագրողներին ասել է, որ Բրյուսելում իր բանակցությունները զգուշավոր լավատեսության տեղիք են տալիս Թբիլիսիի՝ ԵՄ թեկնածուի կարգավիճակ ստանալու հարցում, գրում է Նովոստի Գրուզիան։
Նրա խոսքով՝ նախնական պայմանավորվածություն կա, որ մոտ ժամանակներս Թբիլիսի կժամանեն Եվրահանձնաժողովի և Եվրոպական խորհրդի նախագահները, ինչպես նաև Եվրախորհրդարանի ղեկավարը։
«Եթե այս երեքը մոտակա ամիսներին մեզ մոտ գան, դա նշանակում է, որ նրանք հիասթափված չեն Վրաստանից»,- ասել է Զուրաբիշվիլին՝ կոչ անելով ավելի շատ աշխատանք տանել Եվրահանձնաժողովի հանձնարարականները կյանքի կոչելու համար։
Նա պատասխանել է նաև Եվրախորհրդարանում իր ելույթից վախեցողներին։
«Ով կարծում էր կամ կարծում է, որ ես կարող եմ իմ երկրի դեմ ինչ-որ բան ասել՝ գալով Բրյուսել, նշանակում է՝ ինձ դեռ չեն ճանաչում, և լավ կլինի, որ ճանաչեն»,- ասել է Զուրաբիշվիլին։
Տաթև Ֆռանգյան
