26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Գերմանիան Ուկրաինային ևս 300 Vector հետախուզական անօդաչու կտրամադրի
Քաղաքականություն
01.06.2023 | 14:17
Մյունխենի «Quantum Systems» երկակի նշանակության հետախուզական անօդաչու թռչող սարքերի արտադրողը 300 հավելյալ Vector միջին հեռահարության ԱԹՍ-ների պատվեր է ստացել Ուկրաինայի զինված ուժերի համար, գրում է DW-ի ռուսական ծառայությունը։
Ընկերության հայտարարության մեջ ասվում է, որ մատակարարումը ֆինանսավորվում է Գերմանիայի կառավարության կողմից Կիևին ռազմական օգնության շրջանակում։
Սա արդեն երրորդ պատվերն է, որը ստացել է գերմանական ընկերությունն Ուկրաինայի ՊՆ-ից։ 2022 թվականի օգոստոսին պատվիրվել էր 33 Vector համակարգ, ևս 105-ը՝ 2023 թվականի հունվարին։
Անօդաչուի երկարությունն ուղղահայաց թռիչքով կազմում 1,63 մետր, թևերի երկարությունը՝ 2,80 մետր։ Այն կարող է գտնվել օդում 120-180 րոպե, զարգացնել մինչև 72 կմ/ժ արագություն, տեսահսկում և տեսանկարահանում իրականացնել մինչև 30 կիլոմետր հեռավորության վրա։
Նշվում է, որ տվյալների փոխանցման պաշտպանված ալիքների շնորհիվ Vector-ն ի վիճակի է մարտական առաջադրանքների ժամանակ իրական ժամանակում տեսանյութ հեռարձակել ցամաքային կայաններ: ԱԹՍ-ն նաև հագեցած է տվյալների վերլուծության համար արհեստական բանականության ընդլայնված հնարավորություններով։
Էմմա Չոբանյան
