18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Քաղաքացու կամքը կարևորող իշխանությունը կալանավորել է Վանաձորում ամենաշատ ձայները ստացած անձին. Թագուհի Թովմասյան․ ՏԵՍԱՆՅՈՒԹ
Քաղաքականություն
31.05.2023 | 14:36
«Ինձ համար մեծ պատիվ է խոսել Հայաստանում ժողովրդավարության մասին։ Ես շատ կուզեի, որ այստեղից խոսեի շատ ձեռքբերումների մասին, սակայն անվտանգությունն ու ժողովրդավարությունը իսկապես լրջագույն բախումներ են ունենում հայաստանյան պայմաններում։ Այս դահլիճում նստածներից քչերը կհասկանան, թե ինչ է նշանակում իսկապես ապրել սահամամերձ շրջանում ու փորձել ձգտել ժողովրդավարության»,- «Ժողովրդավարության հայկական ֆորումին» իր ելույթում ասաց ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը։
«Որպեսզի պատկերացնենք՝ ես ինչի մասին եմ խոսում, ուզում եմ մի օրինակ բերել։ Վարդենիսում մեր տանը մենք հերթով ենք քնում։ Հերթով ենք քնում, որովհետև մենք չգիտենք՝ գիշերը ինչ կլինի։ Ահա թե ժողովրդավարական Հայաստանում սահմանամերձ շրջանում մարդիկ ինչ կենսակերպով են ապրում։ Իսկ ես Վարդենիսում լինում եմ գրեթե բոլոր հանգստյան օրերին»,- նշեց Թովմասյանը։
Պատգամավորը հայադարձեց Նիկոլ Փաշինյանի կողմից քիչ առաջ հնչած հայտարարեց, թե Հայաստանի ժողովրդավարությանը ներքին վտանգներ չեն սպառնում, դրանք միայն արտաքին են։
«Իսկ ես ուզում եմ մի քանի ներքին սպառնալիքներից խոսել, որոնք իսկապես կան։ Այստեղից դուք ընտրությունների ու այլ բաների մասին էիք խոսում։ Ես ուզում եմ հիշեցնել, որ փաստորեն քաղաքացու կամքի արտահայտությունը կարևորող իշխանությունը կալանավորել է Վանաձորում ամենաշատ ձայնը ստացած ուժի ղեկավարին։ Սա միանշանակ ժողովրդավարության ներքին սպառնալիք է»,- նշեց Թովմասյանը։
Նշենք, որ Ժողովրդավարության հայկական ֆորումը, որը Freedom House միջազգային իրավապաշտպան կազմակերպության և «Իրազեկ քաղաքացիների միավորման» ջանքերով անցկացվում է արդեն երկրորդ տարին անընդմեջ:
Մանրամասները՝ տեսանյութում։
