06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
Դատարանում ցուցմունք տվեց վկան, որի փոխարեն 3 օրով պաշտոնի են նշանակել Վլադիմիր Գասպարյանի աղջկան․ ՏԵՍԱՆՅՈՒԹ
Հասարակություն
31.05.2023 | 12:56
Ոստիկանության զորքերի շտաբի աշխատակիցները աշխատավայրում երբևէ չեն տեսել Վլադիմիր Գասպարյանի դստերը Վլադիմիր Գասպարյանի, Լևոն Երանոսյանի և մյուսների գործով դատական նիստի ընթացքում այսօր դատարանում ցուցմունք տվեցին Ոստիկանության զորքերի շտաբի 4 ծառայողներ: Նրանք բոլորը հայտնեցին, որ աշխատանքի վայրում երբևէ չեն տեսել Վլադիմիր Գասպարյանի դստերը` Յուլյա Գասպարյանին: Ըստ գործում առկա փաստաթղթերի` Յուլյա Գասպարյանն աշխատել է Ոստիկանության զորքերում:
Ըստ քրեական գործի` Վլադիմիր Գասպարյանի դուստրը 2015թ.-ին նշանակվել է ՀՀ ոստիկանության զորքերի շտաբի օպերատիվ բաժնի ավագ սպայի պաշտոնին, սակայն առհասարակ ծառայության չի ներկայացել և ծառայողական պարտականությունները չի կատարել: Տեղյակ լինելով այդ մասին՝ նշված ժամանակահատվածում ոստիկանության պետի տեղակալի պաշտոնը զբաղեցրած Լևոն Երանոսյանը ոչ միայն չի ձեռնարկել կանխարգելիչ միջոցառումներ, այլև վատնել է պետական միջոցները, այն է՝ պաշտոնեական դիրքի օգտագործմամբ յուրաքանչյուր ամիս իր ստորագրությամբ հաստատել է ՀՀ ոստիկանության զորքերի ամսական ֆինանսավորման հայտերը, որոնց հիման վրա Վ. Գասպարյանի դստերը 2015-2018 թվականների ընթացքում փաստացի վճարվել է առանձնապես խոշոր չափի՝ 8.838.362 ՀՀ դրամ:
Ավելին՝ Լևոն Երանոսյանի հանձնարարությամբ ամբողջությամբ կեղծ փաստաթղթեր կազմելու միջոցով կազմակերպվել է Վ. Գասպարյանի դստերն ընդամենը 3 օրով բարձր պաշտոնի նշանակելու ձևական գործընթաց, որով ապահովվել է վերջինիս փոխգնդապետի զինվորական կոչում շնորհելը: Գասպարյանը լրագրողների հետ զրույցում ասել է, որ ինքը տեղյակ չի եղել, որ աղջիկն աշխատանքի չի գնում:
Մանրամասները՝ տեսանյութում։
Արաքս Մամուլյան
