18.03.2026 | 21:30
Առաջարկում եմ ժողովրդավարական ընդդիմությանը սկսել բանակցություն համախմբման նպատակով. Դավիթ Սանասարյան․ ՏԵՍԱՆՅՈՒԹ
Մարդու իրավունքների պաշտպանի աջակցությամբ քաղաքացու կողմից բարձացված խնդիրը լուծվել է. դրամական միջոցների վրա դրված արգելանքը հանվել է
Հասարակություն
31.05.2023 | 10:19
Քաղաքացին խնդրել է Մարդու իրավունքների պաշտպանի աջակցությունը՝ բանկային հաշիվներում առկա դրամական միջոցների վրա դրված արգելանքը հանելու հարցում։ Այս մասին տեղեկացնում են ՄԻՊ գրասենյակից:
Մասնավորապես, նա հայտնել է, որ Հարկադիր կատարումն ապահովող ծառայությունում հարուցված կատարողական վարույթների շրջանակներում արգելանք է դրվել իր բանկային հաշիվներում առկա դրամական միջոցների վրա։
Ըստ քաղաքացու՝ կատարողական վարույթների կարճման և դրամական միջոցների վրա դրված արգելանքը հանելու նպատակով իր պարտավորության չափով բռնագանձում կատարելու համար մոտ 10 օր առաջ համապատասխան դիմում է ներկայացրել Հարկադիր կատարումն ապահովող ծառայություն, մինչդեռ արգելանքը չի հանվել։
Բարձրացված խնդիրները Մարդու իրավունքների պաշտպանի աշխատակազմը քննարկել է ՀՀ ԱՆ հարկադիր կատարումն ապահովող ծառայության իրավասու ներկայացուցիչների հետ։ Արդյունքում քաղաքացու բարձրացրած հարցը ստացել է լուծում։
