16.12.2025 | 13:42
ՀՀ-ն ՆԱՏՕ-ին անդամակցելու հավակնություն չունի. Սարգիս Խանդանյան․ ՏԵՍԱՆՅՈՒԹ
Մգեցված ապակիների համար տուգանք նախատեսող օրենքը մինչ օրս չի կիրառվել սարքեր չլինելու պատճառով․ ՏԵՍԱՆՅՈՒԹ
Հասարակություն
30.05.2023 | 13:49
Մգեցված ապակիների համար տուգանք նախատեսող օրենքը կգործի հունիսի 1-ից։ Իրավապահները լիցենզավորված հատուկ սարքի միջոցով են ստուգելու ապակիների լուսաթափանցելիությունը։ Այս մասին այսօր՝ մայիսի 30-ին, լրագրողների հետ զրույցում ասաց ՆԳՆ փոխնախարար Արփինե Սարգսյանը։
Նրա խոսքով՝ այս օրենքն ընդունվել է ավելի վաղ, սակայն չի գործել համապատասխան սարքեր չունենալու պատճառով․ «Այս օրենքը որևէ բացառություն չունի, ազդում է նաև ծառայողական ավտոմեքենաների վրա։ Կա ԵԱՏՄ համապատասխան ակտ, որին միացել է Հայաստանի Հանրապետությունը, և ընդունելի է համարում մգեցվածության ստանդարտ չափը։ Մենք ավելի վաղ ունեինք օրենքը, սակայն չունեինք հստակ ստանդարտացված սարքեր, որոնք թույլ կտային կողային ապակիների լուսաթանցելիության աստիճանը ստուգել։ Նորմա՞լ կլիներ, եթե մեր ծառայողները տուգանեին՝ մգեցվածության մասին սուբյեկտիվ կարծիք ունենալով։ Մենք հստակ ապացուցահեն փաստ չունեինք, որ ցույց կտայինք քաղաքացուն և կունենայինք այնպիսի ակտեր, որոնք հիմնված կլինեին սուբյեկտիվ ընկալումների վրա»։
Ոստիկանությունը, փոխնախարարի խոսքով, սարքերը ձեռք է բերել իրականացվող բարեփոխումների շրջանակում։
«Գաղտնիք չէ, որ Ոստիկանությունը միշտ չէ ժամանակակից միջոցներով հագեցված եղել։ Այս սպառազինության թարմացումները գլոբալ առումով սկսվեցին Ոստիկանության բարեփոխումների շրջանակում։ Քանի որ սկզբնական շրջանում ամբողջ Հանրապետության շրջանում չունեինք այդ սարքերից, տրամաբանական չէր լինի, եթե Երևանում տուգանեինք քաղաքացուն, Կոտայքում՝ ոչ»,- նշեց Սարգսյանը։
Մանրամասները՝ տեսանյութում։
