08.10.2026 | 18:39
ՀՌՀ-ն հեռարձակողների հետ քննարկել է տեսալսողական բովանդակության նոր չափորոշիչները
Կոռուպցիայի նկատմամբ անհանդուրժողականություն պետք է ցուցաբերեն քաղաքացիները․ Հասմիկ Տիգրանյան
Հասարակություն
30.05.2023 | 13:08
Անհրաժեշտ է բարեվարքության համակարգի կայացումը․ կոռուպցիայի դեմ պայքարի նոր ռազմավարությամբ նախատեսվում է պաշտոնատար անձանց, նաև քաղաքական պաշտոն զբաղեցնող անձանց վարքագծի կանոնների սահմանում և դրանց վերահսկողության մեխանիզմների սահմանում։ Դա զուգակցվելու է պետական կառավարման համակարգում վերապատրաստումներով։ Այս մասին «Հակակոռուպցիոն պայքարը Հայաստանում. ռազմավարությունից՝ իրական խնդիրներ» թեմայով քննարկման ժամանակ նշեց ՀՀ Հակակոռուպցիոն քաղաքականության մշակման և մոնիթորինգի վարչության պետի ժամանակավոր պաշտոնակատար Հասմիկ Տիգրանյանը։
Նրա խոսքով՝ իրավունքների պաշտպանության մեխանիզմներն են կատարելագործվելու, քննարկվում է ՄԻՊ-ի հզորացման համատեքստում դա դիտարկելը և գործարար ոլորտին կրթելը, որպեսզի իրավագիտակցության մակարդակը բարձրանա՝ իմանան, թե իրենց որ իրավունքի խախտման դեպքում որ մարմնին պետք է դիմեն և առավել հետևողական լինեն։
Նախատեսվում է պետական գնումների ոլորտի կատարելագործում, թափանցիկություն և հաշվետվողականություն, արդար մրցակցություն ապահովել։
Տիգրանյանը նաև ընդգծեց, որ կոռուպցիայի նկատմամբ անհանդուրժողականություն պետք է ցուցաբերեն նաև քաղաքացիները և հետևողական պետք է լինեն, որպեսզի այդպիսի խնդիրները վեր հանվեն, ինչպես նաև պետք է պահանջատեր լինեն իրենց իրավունքների հարցում։
Մանրամասները՝ տեսանյութում։
