13.01.2025 | 21:00
Հայաստանը հարուստ օրակարգ ունի Իրանի հետ. ՏԿԵ նախարարը՝ Մեջլիսի բարեկամական խմբի ղեկավարին
Քովիդի և պատերազմի բարդ շրջան ենք ունեցել, դժվար էր համաթվի վրա աշխատել․ ԿԿՀ-ն՝ կոռուպցիայի մասին․ ՏԵՍԱՆՅՈՒԹ
Հասարակություն
30.05.2023 | 12:34
«Եթե գնահատում ենք ռազմավարության ընթացքը և իրականացումը, պետք է հաշվի առնենք, որ բավականին բարդ ժամանակահատվածում է ընդունվել և բավականին դժվար ժամանակահատվածում ենք փորձել իրականացնել։ Կոռուպցիայի կանխարգելման հանձնաժողովը ստեղծվել է այս ռազմավարության շրջանակներում,- այս մասին «Հակակոռուպցիոն պայքարը Հայաստանում. ռազմավարությունից՝ իրական խնդիրներ» թեմայով քննարկման ժամանակ նշեց Կոռուպցիայի կանխարգելման հանձնաժողովի ներկայացուցիչ Նարինե Ավետիսյանը։
«Կոռուպցիայի կանխարգելման հանձնաժողովը զարգացման և ռեսուրսի կարիք ունի, քանի որ եթե գնահատում ենք հանձնաժողովի ներուժը և այն կարիքները, որ դրված են հանձնաժողովի ուսերին, համաչափ չեն։
Ինչ վերաբերում է կոռուպցիայի համաթվի տեղաշարժին՝ ունենք բացասական տեղաշարժ, այս համաթիվը պետք է դիտել ամբողջականության մեջ․ չի կարելի ասել, թե պետությունը լուրջ հետընթաց է ապրել։ Քովիդի և պատերազմի բարդ շրջան ենք ունեցել, դժվար էր համաթվի վրա աշխատել և բարելավել դիրքը, բայց ջանքեր գործադրվել են»,- ասաց Կոռուպցիայի կանխարգելման հանձնաժողովի ներկայացուցիչը։
Ավետիսյանը նաև ընդգծեց, որ առկա են օրենսդրական խնդիրներ, և կան գործառույթներ, որոնց իրականացման համար հանձնաժողովը լիազորություններ չունի։
Մանրամասները՝ տեսանյութում։
