15.01.2026 | 23:03
Ֆուտզալի Հայաստանի հավաքականի հերթական հաղթանակը
2022 թ․-ին օտարերկրյա ուղղակի ներդրումների ծավալը ՀՀ պատմության մեջ առաջին անգամ կազմել է շուրջ 1 մլրդ․ Վահան Քերոբյան․ ՏԵՍԱՆՅՈՒԹ
Տնտեսություն
30.05.2023 | 12:21
ԱԺ հանձնաժողովներում մեկնարկել են բյուջե-2022-ի կատարողականի հաշվետվության նախնական քննարկումները։
«Անցած տարի Հայաստանի համախառն ներքին արդյունքի իրական աճը եղել է 12,6 տոկոս, որը, ըստ Արժույթի միջազգային հիմնադրամի տվյալների, 4-րդ ցուցանիշն է աշխարհում, և այս տարվա առաջին եռամսյակում էլ աճի տեմպը պահպանվում է՝ կազմելով 12,2 տոկոս տնտեսական ակտիվության ցուցանիշի աճ»,- Այս մասին ԱԺ-ում 2022-ի բյուջեի կատարողականի հաշվետվության քննարկումների ժամանակ հայտարարեց էկոնոմիկայի նախարար Վահան Քերոբյանը:
Ներդրումների վերաբերյալ նախարարը նշեց, որ անցած տարի, ըստ միջանկյալ տվյալների, եղել է 1 տրիլիոն 845 միլիարդ դրամի համախառն կուտակում, իսկ օտարերկրյա ուղղակի ներդրումների ծավալն առաջին անգամ Հայաստանի պատմության մեջ կազմել է մոտ 1 միլիարդ դոլար, որը մեր համախառն ներքին արդյունքի 5,13 հարյուրերորդական տոկոսն է:
«Հիշեցնեմ, որ մեր Կառավարության թիրախը եղել է 6 տոկոս, իսկ ներդրումներ-ՀՆԱ ցուցանիշի թիրախը եղել է 25 տոկոս. հիմա միջանկյալ տվյալներով 21,7 տոկոս է, բայց հաշվի առնելով, որ վերջնական տվյալներն էապես ավելի բարձր են լինում, քան միջանկյալ տվյալները՝ կարծում եմ՝ բավականին մոտ կլինենք Կառավարության դրած թիրախին, որը նշանակում է՝ այն տնտեսական քաղաքականությունը, որը մենք նպատակ են դրել վարելու, այսինքն՝ սպառման վրա հիմնված տնտեսական աճից անցում կատարել ներդրումների վրա հիման վրա տնտեսական աճի, իրականացվում է»,- նշեց Քերոբյանը:
Նախարարը հրապարակեց աշխարհում տնտեսական աճ գրանցած երկրների անունները, որոնք առաջին եռյակում են. դրանք են՝ Գայանան, որի տնտեսական աճը պայմանավորված է նավթի արտահանմամբ, ապա Ֆիջին և Սենթ Լուչիան, որտեղ աճը պայմանավորված է զբոսաշրջության վերականգնմամբ ու զարգացմամբ: 4-րդը տեղում Հայաստանն է, 5-ում՝ Իռլանդիան, և վերջինս, ըստ Քերոբյանի, միակ զարգացած երկիրն է, որտեղ գրանցվել է նման բարձր տնտեսական աճ:
Մանրամասները՝ տեսանյութում։
