15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Համագյուղացու տան բակից գողացել էր նրա «ՎԱԶ-2107»-ը
Հասարակություն
29.05.2023 | 17:56
Մայիսի 28-ին, ժամը 07.25-ին, ՆԳՆ ոստիկանության օպերատիվ կառավարման կենտրոն էր զանգել Արմավիրի մարզի Նալբանդյան գյուղի մի բնակիչ և հայտնել էր, որ գողացել են իր «ՎԱԶ-2107»-ը. տեղեկացնում են ՆԳՆ ոստիկանությունից։
Նշված հասցե ոստիկանության Արմավիրի բաժնից օպերատիվ խումբ է մեկնել:
Պարզվել է, որ մայիսի 27-ի ժամը 22.00-ից մայիսի 28-ի ժամը 06.30-ն ընկած ժամանակահատվածում, օգտվելով մեքենայի դռները բաց լինելու հանգամանքից, տան բակից գողացել են:
Բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են, որ մեքենան գողացել է նույն գյուղի 71-ամյա բնակիչը:
Նախաձեռնված քրեական վարույթի շրջանակներում նշված մեքենան 71-ամյա տղամարդու ավտոտնակում հայտնաբերվել և տեղափոխվել է ոստիկանության Արմավիրի բաժնի հատուկ պահպանվող տարածք, իսկ մեքենան գողացողը ներկայացվել է Արմավիրի մարզային քննչական վարչություն և տվել խոստովանական ցուցմունք:
Քրեական վարույթը շարունակվում է:
