27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
63,5 մլրդ դրամով ավելի եկամտահարկ ենք հավաքագրել․ Փաշինյանն ամփոփում է 2022-ի բյուջեի կատարողականը․ ՏԵՍԱՆՅՈՒԹ
Տնտեսություն
29.05.2023 | 11:11
2022-ին արձանագրել ենք 12,6 տոկոս տնտեսական աճ, որը վերջին 15 տարիների համար աննախադեպ բարձր ցուցանիշ է. 7 hամապատասխանաբար 2022-ի պետական բյուջեի հարկային եկամուտները կազմել են 1 տրլն, 926 մլրդ դրամ, որը ի սկզբանե պլանավորվածի համեմատ ավել է շուրջ 82 մլրդ դրամով կամ 4 տոկոսով: Այս մասին այսօր ԱԺ հանձնաժողովների համատեղ նիստում 2022 թվականի պետական բյուջեի կատարողականի քննարկման ժամանակ նշեց ՀՀ վարչապետ Նիկոլ Փաշինյանը:
«Այսինքն` երբ 2021-ի դեկտեմբերին ԱԺ-ն ընդունել 2022-ի բյուջեն, եկամտային մասը պլանավորված էր 82 մլրդ դրամով պակաս: Բայց նաեւ ուզում եմ ընդգծել, որ 2022-ի բյուջետային ցուցանիշները 2021-ի նկատմամբ հարկային եկամուտների մասով ավել է 399 մլրդ դրամով կամ 21,4 տոկոսով, իսկ 2017-ի նկատմամբ 2022-ի հարկային եկամուտները ավել են 2 մլրդ 20 մլն դրամով կամ 66,3 տոկոսով, իսկ 2018-ի նկատմամբ 670 մլրդ դրամով կամ 53 տոկոսով»,- նշեց Փաշինյանը:
Թե ինչի հաշվին է տեղի ունեցել բյուջետայիբ եկամուտների այս աճը, Փաշինյանը երեք գործոն առանձնացրեց. «Առաջինը՝ տնտեսականն աճի ցուցանիշներն են, երկրորդը՝ ստվերի կրճատումը, երրորդը՝ այն բարեփոխումները, որ ՀՀ կառավարությունն իրականացնում է»:
Վարչապետը նաև հայտնեց, որ այս տարվա 4 ամիսներին հավաքագրված հարկային եկամուտներով ավելի շատ գումար է բյուջե մուտքագրվել, քան 2000-2010 թվականներից յուրաքանչյուրում տարվա ընթացքում:
Մանրամասները՝ տեսանյութում։
