Ձերբակալվածների պահման վայրերը նախատեսվում է վերանորոգել նոր պահանջներին և չափանիշներին համապատասխան

Լուրեր

18.11.2026 | 11:44
Բայրամովը Գերմանիայի ԱԳ նախարարի հետ Երևանի ու Բաքվի միջև խաղաղության գործընթացն է քննարկել
18.11.2026 | 11:43
Նարեկ Կարապետյանի ճեպազրույցը՝ ՈՒՂԻՂ
18.11.2026 | 11:38
Կոտրել են Հեռուստատեսության և ռադիոյի հանձնաժողովի ֆեյսբուքյան էջը․ ՀՌՀ-ի անունից մեկնաբանություններ են հրապարակվել
18.11.2026 | 11:31
Ուկրաինան Կրասնոդարի երկրամասում երկու նավթավերամշակման գործարանների է հարվածել․ տուժածներ կան
18.11.2026 | 11:22
ՀՀ ՔԿ նախագահն Իրանի արդարադատության նախարարի հետ քննարկել է քրեական գործերով իրավական օգնության արդյունավետության բարձրացումը
18.11.2026 | 11:12
Total Chess. Հայկ Մարտիրոսյանն առաջին օրը հաղթել է Ռիխարդ Ռապորտին
18.11.2026 | 11:04
Պուտինը հանդիպել է Սի Ցզինպինի հետ՝ ՌԴ-ի, ԱՄՆ-ի և Չինաստանի ղեկավարների եռակողմ գագաթնաժողովից առաջ
18.11.2026 | 10:56
Ազգերի լիգայում հայտնի են քառորդ եզրափակիչի բոլոր մասնակիցները
18.11.2026 | 10:47
Ուսուցիչների համար գործարկվել է արհեստական բանականության 65 գործիք ներկայացնող հայալեզու պորտալ
18.11.2026 | 10:39
Ընդդիմադիրները Փաշինյանի մասնակցությամբ նիստին արդեն 2 ընդմիջում են վերցրել
18.11.2026 | 10:30
Սլովակիայում բողոքի ցույցեր են անցկացվել վարչապետ Ռոբերտ Ֆիցոյի և Կրեմլի հետ նրա կապերի դեմ
18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
Բոլորը

Ներքին գործերի նախարարության կողմից մշակվել և այսօր e-draft հարթակում տեղադրվել է «ձերբակալվածներին պահելու վայրերի շինության և կահավորման առանձնահատկությունները սահմանելու մասին» Կառավարության որոշման նախագիծը։ Նախագծի ընդունման արդյունքում ձերբակալվածների պահման վայրեր կկառուցվեն, իսկ գործողները կվերանորոգվեն նոր պահանջներին և չափորոշիչներին համապատասխան՝ ապահովելու համար ձերբակալված անձանց իրավունքների երաշխավորման և արդյունավետ պաշտպանության առաջնահերթությունը։

Ընդհանուր դրույթների մեջ նշվում է, որ ձերբակալվածների պահման վայրերում կառուցվածքը պետք է ապահովի արտաքին միջավայրից պահվող անձանց հուսալի մեկուսացումն ու բացառի փախուստի հնարավորությունը լուսամուտախորշից, դռնախորշից կամ պատերի և առաստաղային ծածկերի քայքայման, քանդման, շենքերի առաջին հարկերի ականահատման միջոցով:

Նախագծով նշվում են շինության և կահավորման մի շարք առաձնահատկություններ, որոնք պետք է ներդրվեն նախագծի ընդունումից հետո․

-Զբոսաբակ և այլ նշանակության սենյակներ մտնող աստիճանները սարքավորվում են թեքահարթակներով։
-Լոգասենյակը և զուգարանը տեղակայվում են առանձնացված, իսկ հիմնական նորոգվող վայրերում հնարավորության դեպքում դրանք առանձնացվում են։ Լոգարանում ցնցուղի, իսկ զուգարանում՝ զուգարանակոնքի հատվածներն ընդհանուր տարածքից առանձնացվում են կիսապատերով՝ ուղիղ տեսադիտարկումից խուսափելու համար։
-Խցերում անցկացվում է խմելու ջրի ծորակ և կոյուղի, իսկ անչափահասների, հղի և իրենց մոտ երեխա ունեցող կանանց համար առանձնացված խցերում՝ նաև տաք ջրի ծորակ։
-Զբոսաբակերը կահավորվում են մարմնամարզական պարագաներով (պտտաձող, ծանրաձող, հանտել, գնդակ և այլն), նստարանով՝ վերին մասը մետաղյա ծածկով՝ արևի ուղիղ ճառագայթներից և տեղումներից պաշտպանելու համար, ինչպես նաև աղբամանով։

Նախագծի հիմնավորման մեջ նշվում է, որ ձերբակալվածների պահման վայրերում վերահսկողություն իրականացնող հասարակական դիտորդական խմբի և Հայաստանի ՄԻՊ գրասենյակի աշխատակիցների կողմից մշտական ստուգայցեր են կատարվում ՁՊՎ-ներ և բոլոր ստուգայցերի արդյունքում արձանագրվում են մարդու իրավունքների այնպիսի խախտումներ, որոնք ուղղակի կապված են շինարարական առանձնահատկությունների հետ։ Հատկապես նշվում է, որ ՁՊՎ-ներում առկա չեն աստիճանների թեքահարթակներ, զուգարաններն առանձնացված չեն լոգարաններից, խցերի պատուհանները փոքր են, ինչի պատճառով խոչընդոտվում է բնական լուսաթափանցելիությունը և օդափոխությունը, բուժզննության սենյակները համատեղված են այլ նշանակության սենյակների հետ, տեսակցության սենյակը չի համապատասխանում միջազգային ստանդարտներին՝ չի ապահովվում պահվող անձի և տեսակցողի ֆիզիկական շփումը։

Զբոսաբակերը չունեն ծածկեր, որոնք կպաշտպանեն արևի ուղիղ ճառագայթներից ու տեղումներից, խցերում արհեստական լուսավորությունը գիշերային ժամերին թուլացնելու հնարավորություն չկա՝ պահվող անձանց քունը չխանգարվելու համար, հիվանդներին, հղի և իրենց մոտ անչափահաս երեխա ունեցող կանանց պահելու համար առանձնացված խցերն ապահովված չեն տաք ջրով և այլ նման թերություններ։

Համաձայն ՆԳՆ ոստիկանության համակարգում գործող ձերբակալվածներին պահելու վայրերի կանոնակարգի ընդհանուր դրույթներ հավելվածի՝ նշված աշխատանքներն անթերի կատարելու և վերանորոգելու համար ՆԳՆ-ն առաջարկում է նախատեսել մոտավոր խոշորացված արժեքով ֆինանսական միջոցներ՝ 33 ՁՊՎ-ների վերանորոգման և նախագծանախահաշվային փաստաթղթերի կազմման համար։

Հիմնավորման մեջ նշվում է, որ կապիտալ նորոգման համար իրականացվել է հաշվարկ՝ համաձայն քաղաքաշինության նախարարի 3 ապրիլի 2009թ. թիվ 35-Ն հրամանի՝ 1 ք/մ համար սահմանելով 173․700 դրամ, որն ընդհանուր կազմում է շուրջ 685,85 մլն դրամ, իսկ մասնակի վերանորորգման համար՝ 1 ք/մ համար սահմանելով 30.000 ՀՀ դրամ, որն ընդհանուր կազմում է շուրջ 57,8 մլն դրամ։

Քաղաքաշինության նախարարի 2008 թվականի փետրվարի 15-ի թիվ 19-Ն հրամանի նախագծանախահաշվային փաստաթղթերի ձեռքբերման գումարը խոշորացված արժեքի նկատմամբ կիրառվել է 6%, որը կազմում է 44,619 մլն դրամ։

Անի Թամրազյան