17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Մոսկվան ուղիներ է փնտրում՝ նվազագույնի հասցնելու ՌԴ-ի նավթագազային ոլորտի դեմ ԱՄՆ պատժամիջոցների հետևանքները
Քաղաքականություն
13.01.2025 | 17:17
Ռուսաստանը ուղիներ է կփնտրի՝ ռուսական նավթագազային հատվածի դեմ ԱՄՆ պատժամիջոցների հետևանքները նվազագույնի հասցնելու համար։ Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է Ինտեֆաքսը։
«Առաջին հերթին միջոցներ կձեռնարկվեն և տարբերակներ կորոնվեն այդ պատժամիջոցների հետևանքները նվազագույնի հասցնելու համար»,- ասել է նա՝ պատասխանելով հարցին, թե ինչպե՞ս կարող են ազդել վերջին պատժամիջոցներն ասիական շուկաներ ռուսական էներգառեսուրսների մատակարարման վրա և ի՞նչ միջոցներ կարող են ձեռնարկվել։
«Ժամանակակից աշխարհում իրավիճակը բազմիցս ցույց է տվել, որ անհնար է ուղղակի անջատել էներգակիրների բնական երթուղիները։ Մի տեղ փակում ես ինչ-որ բան, մեկ այլ տեղում հայտնվում է այլընտրանքային տարբերակ։ Նման տարբերակների կփնտրվեն, որը նվազագույնի կհասցնի պատժամիջոցների հետևանքները»,- հավելել է Կրեմլի ներկայացուցիչը։
Հունվարի 10-ին ԱՄՆ-ը ռուսական էներգետիկ հատվածի դեմ «ամենանշանակալի» պատժամիջոցներն է սահմանել։ Ցուցակում հայտնվել են ռուսական նավթի չորս խոշորագույն արտադրողներից երկուսը՝ «Գազպրոմ նեֆթ»-ն և «Սուրգուտնեֆտեգազ»-ը, ինչպես նաև դրանց դուստր ձեռնարկությունները:
Թարգմանությունը՝ Էմմա Չոբանյանի
