26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Ստամբուլի հայ համայնքը բողոք է ներկայացրել հայերին վիրավորած թուրք իմամի դեմ
Քաղաքականություն
24.05.2023 | 20:19
Ստամբուլի հայ համայնքի փաստաբան Սիմոն Չեքեմը Դատախազություն բողոք է ներկայացրել թուրք իմամի դեմ, որը վիրավորել էր հայերին, գրում են թուրքական լրատվամիջոցները։
Ստամբուլի Սուլթանգազի շրջանի Ջեբեջի մզկիթում աշխատող թուրք իմամ Մուրադ Գյունդողդուն ուրբաթօրյա քարոզի ժամանակ կոչ էր արել մայիսի 28-ի նախագահական ընտրությունների երկրորդ փուլի գիշերը «պատրաստել զենքերը»։
«Պատրաստեք ձեր զենքերը, պատրաստեք ձեր զենքերը մայիսի 28-ի գիշերը։ Իմ երկու ատրճանակները լիովին լիցքավորված են: Ինչո՞ւ է մենք նրանցից (ընդդիմությունից) տառապում։ 80 տարի այս երկիրը նրանցից ի՞նչ է տուժել՝ հայ վիժվածքներից»,- ասել էր նա։
Այս դեպքից հետո կրոնական հարցերի տնօրինությունը հայտարարել էր, որ հետաքննություն է սկսել։
Չեքեմը պահանջել է իմամին պատժել ժողովրդի մեջ ատելություն և խտրականություն, վիրավորանք սերմանելու համար։
«Իմ հայկական էթնիկ ծագման վերաբերյալ կասկածյալի կողմից հնչեցված այս խոսքերը, որի անդամն եմ ես, հասարակությանը ներքաշել են դեպի խտրականություն և դրդել ժողովրդին ատելության, թշնամանքի։ Բացահայտ խտրականությունը, ատելության խոսքը հանցագործություն են»,- ասվում է Չեքեմի ներկայացրած բողոքում։
Էմմա Չոբանյան
