27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ուզում եմ կոռուպցիան կանխվի․ Հակակոռուպցիոն պալատի դատավորի թեկնածու Արմեն Դանիելյանի ելույթը․ ՏԵՍԱՆՅՈՒԹ
Քաղաքականություն
24.05.2023 | 12:04
Ազգային ժողովն այսօրվա նիստում քննարկում է Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի ընտրության հարցը։
Բարձրագույն դատական խորհուրդը դատավորի թափուր տեղի համար առաջադրել է Արմեն Դանիելյանի, Ելիզավետա Դանիելյանի և Արսեն Նիկողոսյանի թեկնածությունները։ Ազգային ժողովը երեք թեկնածուներից պետք է ընտրի մեկ թեկնածու։ ԲԴԽ նախագահի պաշտոնակատար Վիգեն Քոչարյանը ներկայացրեց Արմեն Դանիելյանի թեկնածությունը։
«Ինչո՞ւ եմ հավակնում ՀՀ Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի պաշտոնին։
Գաղտնիք չէ, որ կոռուպցիայի դեմ արդյունավետ պայքարի, այդ ոլորտում արդարադատության արդյունավետ իրականացման գործում առանցքային ու կարևոր նշանակություն ունի Վճռաբեկ դատարանի համապատասխան պալատը։
Հնարավորության դեպքում ցանկանում եմ այդ ոլորտում արդարադատության արդյունավետ իրականացման գործում իմ համեստ մասնակցությունը, ներդրումն ունենալ՝ իմ գիտելիքները, փորձառությունը, մասնագիտական և անձնական որակներն այդ ոլորտում ծառայեցնելու համատեքստում։ Ավելի պարզ ասած՝ ցանկանում եմ, որ այդ երևույթը, խոսքը կոռուպցիոն դրսևորումների մասին է, Հայաստանում հնարավորինս վերանա, կանխվի»,- ելույթ ունենալով ԱԺ նիստում՝ նշեց Դանիելյանը։
Մանրամասները՝ տեսանյութում։
