16.01.2026 | 11:26
Չեմ ցանկանում հազարավոր ազգակից եղբայրներ կտրված ապրեն մեր հայրենիքից․ Հայկ Սարգսյանը նոր նախագիծ ներկայացրեց․ ՏԵՍԱՆՅՈՒԹ
Գագիկ Ծառուկյանի և Սեդրակ Առուստամյանի պաշտպանները պահանջում են մայր գործի նյութերը, որոնց հիման վրա հարուցվել է իրենց գործը
Հասարակություն
23.05.2023 | 14:32
Գագիկ Ծառուկյանի և Սեդրակ Առուստամյանի պաշտպանները պահանջում են իրենց տրամադրել այն գործի նյութերը, որոնց հիման վրա հարուցվել է Ծառուկյանի և Սեդրակ Առուստամյանի վերաբերյալ գործը:
Նշենք, որ դատարանում այժմ քննվող քրեական գործը հարուցվել է մեկ այլ գործի նյութերի հիման վրա, որով դեռևս նախաքննություն է իրականացվում:
Այս հիմնական գործից Ծառուկյանի և Առուստամյանի վերաբերյալ մասն անջատվել և ուղարկվել է դատարան: Դատախազ Դավիթ Աղաջանյանն այսօրվա նիստի ընթացքում հայտնեց, որ հիմնական գործի բոլոր այն նյութերը, որոնք վերաբերելի են Ծառուկյանի և Առուստամյանի գործին, բերվել են դատարան:
Պաշտպան Երեմ Սարգսյանն այսօր, հղում կատարելով օրենքին, նշեց, որ անջատված գործը դատարան ուղարկելիս դրան պետք է կցել հիմնական գործի նյութերի ցանկը, իսկ դատարանում քննվող գործով այդ ցանկը կցված չէ:
Պաշտպան Էմին Խաչատրյանն էլ հորդորեց իրենց փոխարեն դատողություններ չանել, տրամադրել նյութերը, որոնց ուսումնասիրության արդյունքում իրենք կգնահատեն այս նյութերի` վերաբերելի լինել չլինելու հանգամանքը: Նիստն այսօր հետաձգվեց իսկ հաջորդը նշանակվեց հունիսի 29-ին:
