13.05.2026 | 23:03
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Ինչո՞ւ ենք հենց Ֆորշին բնակարան նվիրում․ էլի արվեստի գործիչներ ունենք, որոնք բարվոք վիճակում չեն ապրում․ ՏԵՍԱՆՅՈՒԹ
Հասարակություն
23.05.2023 | 14:16
Երևանի ավագանու նիստմ քննարկվում է Վահան Գևորգյանին (Ֆորշին) բնակարան նվիրելու վերաբերյալ որոշման նախագւծը։
Նախագծի համաձայն՝ կթույլատրվի Երևանի քաղաքապետին՝ Երևան համայնքի սեփականություն համարվող Շինարարների փողոցի հ.15 շենքի հ.63 ՝ 70.15-քմ մակերեսով բնակարանը։
Երևանի ավագանու «Իմ քայլը» խմբակցության անդամ Նուարդ Վարդանյանը նշեց, որ երաժիշտը 10 տարուց ավելի է՝ բնակվում է վարձակալական հիմունքներով։
Հաշվի առնելով Ֆորշի անցած ստեղծագործական ուղին, ինչպես նաև բնակարանային պայմանների բարելավման խիստ անհրաժեշտությունը, ստեղծագործելու համար պայմաններ ապահովելու նպատակով մշակվել է ավագանու որոշման այս նախագիծը։
Ավագանու անդամ Սերգեյ Գյոզալյանը հետաքրքրվեց, թե ինչու են որոշել բնակարան նվիրել հենց Ֆորշին՝ հաշվի առնելով, որ նման մասնագիտություն ունեցող մարդիկ այդքան էլ վատ ֆինանսական վիճակում չեն, բարձր եկամուտներ են ունենում, լավ են վաստակում։
Նուարդ Վարդանյանն ի պատասխան ասաց, որ այո, մշակույթի և գիտության ոլորտում կան արժանավոր գործիչներ, որոնք, ցավոք, ապրում են վատ վիճակում։
«Բայց այս որոշումը չի բացառում, որ ավագանին աջակցի որևէ արժանավորի բնակարան գնելու հարցում։ Ամեն մեկը թող իր խղճով քվեարկի: Ֆորշը այս քաղաքի կոլորիտն է»:
Նա նաև հավելեց, որ Ֆորշի կողմից դիմում չի եղել, քաղաքապետարանի նախաձեռնությունն է:
Մանրամասները՝ տեսանյութում։
