15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ավելի կարևորագույն պրոբլեմներ կան. Գագիկ Ծառուկյանը` իր մեղադրանքի մասին․ ՏԵՍԱՆՅՈՒԹ
Հասարակություն
23.05.2023 | 11:55
«Ավելի կարևորագույն պրոբլեմներ կան. Այս մասին այսօր հակակոռուպցիոն դատարանի մոտ դատական նիստից առաջ լրագրողների հետ զրույցում նշեց «Բարգավաճ Հայաստան» կուսակցության նախագահ Գագիկ Ծառուկյանը՝ շրջանցելով իր մեղադրանքի վերաբերյալ հարցը։
«Արցախի շրջափակումը բացվելու է, երկրի անվտանգության հարցը լուծվելու է, ժողովուրդն անվտանգ ուրախ ապրելու են»,- նշեց ԲՀԿ առաջնորդը՝ նկատելով՝ դեռևս վատ վիճակում ենք, որոշ մարդիկ դա չեն էլ պատկերացնում։
Անդրադառնալով զոհված զինծառայող Ժորա Մարտիրոսյանի մորը՝ Գայանե Մարտիրոսյանին կալանավորելու փաստին, Ծառուկյանը նշեց․ «Կալանավորման օրը համարյա ամբողջ գիշեր չեմ քնել, մտքիցս դուրս չէր գալիս։
Մարդու հավատը չի գալիս։ Այսօր մեր երկրում մթնոլորտը շատ վատն է։ Մինչև չունենանք ներքին համաձայնություն, համերաշխություն, ոչ մի լավ բան չի կարող լինել։ Երբ ներքին հաշտություն, համերաշխություն լինի, նոր կարող ենք զգալ մեր ազգի վերելքը»։
Նշենք, որ զոհված զինծառայող Ժորա Մարտիրոսյանի մայրը՝ Գայանե Մարտիրոսյանը, կալանավորվել է մեկ ամսով՝ «Աշոտ Փաշինյանի առևանգման գործով»։ Զոհված զինծառայողները ծնողները մայիսի 20-ից անժամկետ նստացույց են հայտարարել կառավարության շենքի դիմաց:
Մանրամասները՝ տեսանյութում։
