18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
ԱԺ քառօրյայի մեկնարկը՝ ՈՒՂԻՂ
Քաղաքականություն
23.05.2023 | 10:00
Մեկնարկել է ԱԺ հերթական քառօրյան։ Նիստի օրակարգում ընդգրկված է 29 հարց։
Խորհրդարանը երկրորդ ընթերցմամբ քննարկելու է Հայաստանի Հանրապետության ընդերքի մասին օրենսգրքում լրացումներ կատարելու մասին, Վարչական իրավախախտումների վերաբերյալ օրենսգրքում լրացում կատարելու մասին, Հայաստանի Հանրապետության քաղաքացիական օրենսգրքում փոփոխություններ եւ լրացումներ կատարելու մասին, «Առեւտրի եւ ծառայությունների մասին» Հայաստանի Հանրապետության օրենքում փոփոխություններ եւ լրացում կատարելու մասին, «Սպառողների իրավունքների պաշտպանության մասին» Հայաստանի Հանրապետության օրենքում փոփոխություններ եւ լրացում կատարելու մասին օրենքի նախագծերը։
Խորհրդարանի քննարկմանը կներկայացվի նաև «Զինվորական ծառայության եւ զինծառայողի կարգավիճակի մասին» օրենքում փոփոխություններ եւ լրացումներ կատարելու մասին, «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում լրացումներ կատարելու մասին, «Ոստիկանության մասին» օրենքում լրացում կատարելու մասին օրենքի նախագծերը։
ՀՀ կենտրոնական բանկի նախագահ Մարտին Գալստյանն Ազգային ժողովին կներկայացնի Հայաստանի Հանրապետության կենտրոնական բանկի գործունեության վերաբերյալ տարեկան հաղորդումը, իսկ Հաշվեքննիչ պալատի նախագահ Ատոմ Ջանջուղազյանը՝ ՀՀ հաշվեքննիչ պալատի 2022 թվականի գործունեության վերաբերյալ տարեկան հաղորդումը։
Ազգային ժողովը նաև կընտրի Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորների երկու թեկնածուների, Վճռաբեկ դատարանի քաղաքացիական պալատի դատավորի երկու թեկնածուների, ինչպես նաև Հանրային ծառայությունները կարգավորող հանձնաժողովի մեկ անդամի։
