18.07.2026 | 18:32
Ուկրաինական ԱԹՍ-ները հարվածել են Wildberries-ի պահեստներին Մոսկվայի և Տամբովի մարզերում․ կան զոհեր և տասնյակ վիրավորներ
ԵՄ-ն կաջակցի Կապանում «Թումո» կենտրոնի կառուցմանը. Անդրեա Վիկտորին
Տնտեսություն
19.05.2023 | 15:08
Եվրոպայի օրվան նվիրված միջոցառումների շրջանակում այսօր ԵՄ անդամ մի շարք պետությունների դեսպանները Գորիսում էին։ Նրանք նախ հանդիպեցին սոցիալական աշխատողների հետ, լսեցին նրանց կարիքներն ու խնդիրները։ ԵՄ դեսպան Անդրեա Վիկտորինը ևս մեկ անգամ կարևորեց Սյունիքում իրականացվող «Թիմ Եվրոպա» ծրագիրը, որը նպաստում է մարզի դիմակայությանն ու տոկունությանը: Նրա խոսքով` այս ծրագրի կարևոր ուղղություններից մեկը համայքահեն սոցիալական ծառայությունների տրամադրումն է։
Գորիսի Իմփաքթ Հաբ Սյունիք գրասենյակում ընթացող պանելային քննարկմանը մասնակցում էին սոցիալական աշխատողներ Սյունիքի տարբեր համայնքներից․ նրանք համավարակի և պատերազմի ժամանակ աշխատել են խոցելի խմբերի հետ, ինչպես նաև զբաղվել Արցախից տեղահանված քաղաքացիների խնդիրներով։ Մասնակիցները դեսպաններին ներկայացրին իրենց աշխատանքի կարևորությունն ու նշանակությունը։
Գորիսի պետական համալսարան այցի ժամանակ ԵՄ դեսպան Անդրեա Վիկտորինը շեշտեց, որ հնարավոր է ոչ ֆորմալ կրթությունը միավորել ֆորմալ կրթության հետ և կարևոր է աջակցություն տրամադրել ֆորմալ կրթությանը ռազմավարության մշակման միջոցով։
«Մեծ հպարտությամբ պիտի ասեմ, որ մենք կառուցելու ենք երկու ՔՈԱՖ կենտրոն Գորիսում, ԵՄ-ն նաև աջակցում է նոր Թումո կենտրոնի կառուցմանը Կապանում»,-ասաց ԵՄ դեսպանը։
2023-ը հռչակված է որպես Հմտությունների եվրոպական տարի: ԵՄ-ն ամբողջ աշխարհում իր ծրագրերի և նախաձեռնությունների միջոցով նպաստում է ժամանակակից հմտությունների ձեռքբերմանը, որոնք պահանջված են աշխատաշուկայում և նպաստում են տնտեսության վերականգնմանն ու անցմանը կանաչ և թվային տեխնոլոգիաների,նշեց ԵՄ դեսպանը։
Անի Թամրազյան
