06.10.2026 | 14:52
ՀԾԿՀ-ում քննարկվել է «Firebird AI» տվյալների կենտրոնի էլեկտրամատակարարումը
Ինչպես է 1 տոննա կոկաինը բերվել ՀՀ. Ռուստամ Բադասյանի պարզաբանումը․ ՏԵՍԱՆՅՈՒԹ
Հասարակություն
18.05.2023 | 18:17
«Հասկանում եմ՝ հանրությանը հետաքրքիր են այս դեպքին վերաբերող տարբեր հարցերի պատասխանները, բայց հարուցվել է քրեական վարույթ, ուստի որևէ մանրամասն չեմ կարող ասել»,- այսօր կառավարության նիստից հետո լրագրողների հետ ճեպազրույցում այս մասին նշեց Պետական եկամուտների կոմիտեի նախագահ Ռուստամ Բադասյանը՝ անդրադառնելով օրերս ԱԱԾ-ի կողմից հայտնաբերած 1 տոննա կոկաինի դեպքի վերաբերյալ հարցերին։
Միայն կարող եմ ընդհանուր սխեմաների մասին խոսել, հետևել եմ մամուլում քննարկումներին, այսինքն, թե ինչ տարբերակներ են առաջադրվում, և այլն։ Եթե որևէ երկրից ապրանքն ուղեկցվող փաստաթղթերով պետք է տեղափոխվի մեկ այլ երկիր՝ վերջնակետ, դա տարբեր բաներ է նշանակում։ Տարբեր երկրների մաքսային մարմինները մշակում են ռիսկերի համակարգեր, որի հիման վրա պետք է վեր հանեն, թե որ բեռնատարն են ստուգում, դրա մասին գիտեն մաքսանենգ ճանապարհով ապրանք ներկրող ընկերությունները և դրա համար կիրառում են տարբեր մեխանիզմներ։ Եթե վերջնակետը նշվում է որևէ երկիր, այդ երկիր կարող է հասնել նաև մաքսանենգ ճանապարհով ապրանք, կարող է ճանապարհին նաև այն կորել»,- նշեց Բադասյանը։
ՊԵԿ նախագահըհավելեց, որ ինչպես ամբողջ աշխարհում, այնպես էլ Հայաստանում թմրանյութերի օգտագործման ծավալն ավելացել է, հետևաբար՝ ՊԵԿ-ը ոստիկանության հետ նախապես մշակած ծրագիր ունեին, թե ինչպես մեկ օրվա ընթացքում հատուկ հսկողություն իրականացնեն մաքսային մարմինների գոտիներում։ Այս պատճառով էլ մայիսի 11 և 12-ին ՊԵԿ մաքսակետերում իրականացրել են ստուգումներ։
Բադասյանը չնշեց, թե բանան ներմուծող որ ընկերության մոտ է կոկաինը հայտնաբերվել։
Հարցին, թե ինչպես է 1 տոննա կոկաինը բերվել ՀՀ, Բադասյանը պատասխանեց, որ ամբողջ աշխարհը ողողված է թմրանյոութերով, և թմրանյութերը տարբեր շուկաներում հայտնվում են մաքսանենգ ճանապարհով՝ շրջանցելով մաքսային հսկողության գոտիները․ «Օրինակ` Իրանի հետ սահմանում գետի վրայով նետում են թմրանյութը, կամ դրոնով տեղափոխում են և գցում այնպիսի տեղում, որտեղից իրենց հանցակիցները կարող են վերցնել դա»։
ՊԵԿ նախագահը չհերքեց, որ երեկ հայտնաբերված թմրանյութը կարող է կապ ունենալ ավելի վաղ Իտալիայում հայտնաբերված կոկաինի հետ։
Մանրամասները՝ տեսանյութում։
