14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Գարիկ Գալեյանին բերման ենթարկեցին․ նա հերքում է, թե Աշոտ Փաշինյանին փորձել են առևանգել. ՏԵՍԱՆՅՈՒԹ
Քաղաքականություն
17.05.2023 | 18:58
Քիչ առաջ ոստիկանությունը բերման ենթարկեց «Որդիների կանչ» ՀԿ անդամ Գարիկ Գալոյանին։ Դրանից րոպեներ առաջ բերման էին ենթարկվել նաև ՀԿ-ի գրասենյակի մոտակայքում գտնվող երկու ծնողների, որոնք սպասում էին իրենց փաստաբանին։ Գալոյանը լրագրողների հետ զրույցում հայտարարեց, որ Աշոտ Փաշինյանն իր մեքենայում չի եղել, իսկ երբ մեքենայից դուրս է եկել, Գալոյանը սեղմել է իր մեքենայի արգելակները, որպեսզի վրաերթի չենթարկի նրան։
«Դատարանի մոտով անցնելուց է եղել, մեր ծնողներից մեկի հետ նստել է մեքենան։ Մամաներից մեկն ասել է, որ գնում ենք Եռաբլուր՝ նայես տղաների աչքերի մեջ, որ ծնողներիդ ասես՝ ինչ են արել։ Նստեց մեքենան, երրորդ մասում դուռը բացեց, փախավ։ Մեքենան կարծեմ ընթացքի մեջ էր»,- ասաց Գալոյանը։
Հիշեցնենք, որ ՆԳՆ լրատվության վարչությունից Factor.am-ին հաստատել էին, որ Նիկոլ Փաշինյանի որդու՝ Աշոտ Փաշինյանի ենթադրյալ առևանգման մասին հաղորդում է ստացվել։ Ավելի ուշ «Որդիների Կանչ» ՀԿ-ն հայտարարություն տարածեց, որով հերքում էր Աշոտ Փաշինյանին առևանգելու փորձը։
Ավելի վաղ Հայկական ժամանակը հայտնել էր, որ առևանգման մասնակիցները «Որդիների կանչ» ՀԿ անդամներն են, ովքեր ստիպել են Աշոտ Փաշինյանին նստել իրենց մեքենան, սակայն մի պահ կանգ առած ընթացող մեքենայից Աշոտ Փաշինյանին հաջողվել է դուրս թռչել, որի հետևանքով նրան վրաերթի է ենթարկել հետևից ընթացող մեքենան: Արդյունքում վնասվել է Աշոտ Փաշինյանի ոտքը, իսկ դեպքի վայրից «Որդիների կանչ» հասարակական կազմակերպության անդամները դիմել են փախուստի։
Անի Թամրազյան
