14.01.2025 | 14:20
Պետք է բացառել անազատության մեջ գտնվող անձանց դատարան չուղեկցելու պատճառով նիստերի հետաձգումը․ ՏԵՍԱՆՅՈՒԹ
Դեղատների ներկայացուցիչները դիմել են Տնտեսական հարցերի մշտական հանձնաժողովին. նիստում հանրագիր է քննարկվել
17.05.2023 | 15:25
Տնտեսական հարցերի մշտական հանձնաժողովի՝ մայիսի 17-ի նիստում քննարկվել է «Գործող կարգավորումների կատարելագործման (որոշ գործարքների նոտարական վավերացման եւ ծագող իրավունքների պետական գրանցման պահանջների վերացման) վերաբերյալ» հանրագիրը․ տեղեկացնում են ՀՀ ԱԺ-ից։
«Դեղերի առեւտրով զբաղվող ընկերությունները՝ դեղատները, որպեսզի կարողանան դեղատուն շահագործել, պետք է լիցենզիա ստանան: Լիցենզիայի պայմանների մեջ մտնում է, որ տարածքը որոշակի չափանիշների պետք է համապատասխանի: Լինում են դեպքեր, որ տարածքը կա՛մ սահմանափակումներին չի համապատասխանում, կա՛մ միասնական տեղեկանք ստանալու պահանջին: Մինչդեռ մյուս տնտեսվարողները, օրինակ՝ գեղեցկության սրահները, կարողանում են վարձակալության սահմանափակում չունեցող այլ տարածքներ վարձակալել, քանի որ միասնական տեղեկանք ստանալու պահանջ չունեն: Քննարկման ընթացքում եկանք եզրակացության, որ պետք է գնանք այն ճանապարհով, որ բոլոր կազմակերպություններին բերենք գրանցված շուկա: Պետք է վերացնել բյուրոկրատական քաշքշուկները»,- ասել է հանձնաժողովի նախագահի տեղակալ Բաբկեն Թունյանը:
Հանձնաժողովի փոխնախագահը վերահաստատել է, որ Առողջապահության եւ սոցիալական հարցերի մշտական հանձնաժողովի հետ համատեղ քննարկելու է՝ որպես դեղատուն աշխատելու համար անշարժ գույքը որոշակի չափանիշների պե՞տք է համապատասխանի, թե՝ ոչ:
«Տնտեսական առումով Քաղաքացիական օրենսգրքում որեւէ փոփոխություն կատարելու անհրաժեշտությունը բացակայում է»,- ասել է Բաբկեն Թունյանը՝ ներկայացնելով հանձնաժողովի եզրակացությունը:
Հանձնաժողովը կողմ է քվեարկել եզրակացությանը:
