14.10.2026 | 12:47
Փաշինյանն ազատել է Տաթև Անտոնյանին ԱԽ գրասենյակի ղեկավարի տեղակալի պաշտոնից
Սա կրկես է. Կոռուպցիայից, պատվերից հարցեր են տալիս «ամենաազնիվները». «Հրապարակ»
30.06.2018 | 09:17
«Հրապարակ» թերթը գրում է. «Դատական համակարգում վրդովված են Սահմանադրական դատարանի դատավորի թեկնածուի ընտրության գործընթացից: Թեկնածուներին ընտրող դատավորների ընդհանուր 2-րդ ժողովին 240 դատավորից հազիվ 80 հոգի է ներկայացել: Դատավորներն այս ամենը կրկես են համարում և վրդովված են։
«Մենք էլ, իրենք էլ գիտենք, որ ինչ թեկնածու էլ ուղարկեն ԱԺ, չի ընտրվելու, քաղաքական որոշում է պետք, հավատացեք՝ ոչ մի նորմալ, կենսագրություն, փորձ ունեցող դատավորի դուր չի գա, որ կենսագրությունում գրվի, որ ընտրվել է թեկնածու, սակայն ԱԺ-ում չի անցել»,- ասաց մեր զրուցակիցը՝ վրդովված, որ ԱԺ-ում իրենց կոլեգաներին կոռուպցիայից, պատվերից հարցեր են տալիս «ամենաազնիվները»՝ Միքայել Մելքումյանն ու Նաիրա Զոհրաբյանը:
Նշենք, որ այս պահին ՍԴ-ում 2 տեղ կա թափուր: ԱԺ-ն ՍԴ դատավորի պաշտոնում չի հաստատել ՀՀ նախագահի թեկնածու Էմիլ Բաբայանին: Ապա դատավորների ընդհանուր ժողովի թեկնածու Ելիզավետա Դանիելյանին, այնուհետեւ դատավորների ժողովն առաջարկեց Արման Դիլանյանին, ում թեկնածությունը կքննարկեն սեպտեմբերի 10-ին գումարվելիք ԱԺ առաջին նիստում:
Առավել մանրամասն՝ թերթի այսօրվա համարում:
