13.01.2025 | 21:00
Հայաստանը հարուստ օրակարգ ունի Իրանի հետ. ՏԿԵ նախարարը՝ Մեջլիսի բարեկամական խմբի ղեկավարին
Վեճ և խուլիգանություն Երևանի Ամիրյան փողոցում. ձերբակալվել է չորս երիտասարդ
Հասարակություն
15.05.2023 | 17:49
Մայիսի 13-ին, ժամը 23.30-ին, անհայտ քաղաքացուց ստացվել է ահազանգ, որ մայրաքաղաքի Ամիրյան փողոցում վիճաբանություն է, լսվում են կրակոցներ․ տեղեկացնում են ՆԳՆ ոստիկանությունից։
«Ոստիկանության Կենտրոնական բաժնի օպերատիվ խումբը հնարավորինս արագ մեկնում է դեպքի վայր, տեղյակ են պահվում նաև պարեկները:
Միջադեպի հնարավոր զարգացումը հաջողվում է կանխել, և խուլիգանություն կատարելու կասկածանքով ձերբակալվում ու բաժին է տեղափոխվում 18-20 տարեկան գյումրեցի չորս երիտասարդ: Ըստ նախնական տվյալների` երիտասարդների վեճը միջանձնային բնույթի էր:
Դեպքի վայրի զննությամբ հայտնաբերվել են գազային ատրճանակի մեկ պարկուճ, երկու փամփուշտ և դանակ:
Ձեռնարկվում են միջոցառումներ՝ վիճաբանության մյուս մասնակիցներին հայտնաբերելու ուղղությամբ:
Կազմված փաստաթղթերը փոխանցվել են քննչական բաժին, հանգամանքները պարզվում են»,- ասված է հաղորդագրությունում։
