13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Օպերատիվ իրավիճակը հանրապետությունում մայիսի 12-ից 15-ը
Հասարակություն
15.05.2023 | 13:28
Ըստ ոստիկանության օպերատիվ հաղորդագրությունների ամփոփագրերի՝ մայիսի 12-ից 15-ը Հայաստանի Հանրապետության ոստիկանության ստորաբաժանումները բացահայտել են հանցագործության 130 դեպք, որոնցից 5-ը՝ նախկինում կատարված. տեղեկացնում են ՆԳՆ ոստիկանությունից։
Մասնավորապես՝ թմրամիջոցի հայտնաբերման` 30, մարմնական վնասվածք պատճառելու՝ 19, անձնական ունեցվածքի գողության և խարդախության՝ 10-ական, զենք-զինամթերքի առգրավման՝ 7, ֆիզիկական ներգործության՝ 6, խուլիգանության՝ 5, վստահված գույքը հափշտակելու՝ 4, հոգեկան ներգործության ու գույքը ոչնչացնելու կամ վնասելու՝ 3-ական, բնակարանային գողության, պաշտոնեական կեղծիքի կամ անփութության, թմրանյութի իրացման, ընդերքի պահպանման կամ օգտագործման պահանջները խախտելու և ծառերը, թփերը ապօրինի հատելու՝ 2-ական, մարդու առևանգման, կողոպուտի, խոշտանգման, ավազակության, պետական-հասարակական ունեցվածքի գողության, դրամանենգության, պաշտոնեական անձի ծառայողական գործունեությանը միջամտելու, փաստաթղթեր, դրոշմներ, կնիքներ, ձևաթղթեր կեղծելու կամ կեղծ փաստաթղթեր, դրոշմներ, կնիքներ, ձևաթղթեր իրացնելու, պատրաստելու կամ օգտագործելու, անհետաձգելի միջամտության որոշումը կամ պաշտպանական որոշումը չկատարելու, հրդեհային անվտանգության կանոնները կամ պահանջները խախտելու, սպանության նախապատրաստության, անառակաբարո գործողությունների, ինքնիրավչության, բռնություն գործադրելու հրապարակային կոչերի, թմրամիջոցի մաքսանենգության, թմրամիջոցի մաքսանենգության ու սառը զենքի հայտնաբերման՝ 1-ական դեպք։
Հայտնաբերվել են 2 անհետ կորած և 4 հետախուզվող։ Կամավոր ներկայացել է 1 հետախուզվող։
Գրանցվել է զենք-զինամթերքի կամավոր հանձնման 4 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 3, բնակարանային գողության և վրաերթի՝ 1-ական դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 34 պատահար. 1 մարդ զոհվել է, 42-ը՝ ստացել տարբեր աստիճանի մարմնական վնասվածքներ:
`
