27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Ստամբուլի քաղաքապետը հայտնում է, որ նախագահի ընտրություններում ընդդիմադիր թեկնածուն առաջատարն է
Քաղաքականություն
15.05.2023 | 00:44
Ստամբուլի ընդդիմադիր քաղաքապետ Էքրեմ Իմամօղլուն և Անկարայի քաղաքապետ Մանսուր Յավաշը Թուրքիայում ընտրությունների վերաբերյալ երրորդ հայտարարությունն են արել, գրում են թուրքական լրատվամիջոցները։
«Մենք պահ առ պահ հետևում ենք գործընթացին, մոտ 10 միլիոնը դեռ հաշվարկված չէ, դա նշանակում է 20 տոկոս։ Միլիոններն իջնում են: Մենք զարմացած հետեւում ենք, թե ինչ ջանք են ցույց տալիս։ Չզարմանաք, երբ դուրս գան ու ասեն, որ հաղթել են ընտրություններում»,-ասել է Իմամօղլուն՝ նշելով, որ ընդդիմությունն իր պատմության մեջ ստացել է ամենաշատ ձայները։
«Մեր նախագահի (խոսքը ընդդիմության թեկնածու Քեմալ Քըլըչդարօղլուի մասին է) ձայնը 49 տոկոս է, իսկ պարոն Էրդողանինը՝ մոտ 45 տոկոս»,-ասել է Ստամբուլի քաղաքապետը։
Հավելենք, որ նախորդ հայտարարության ժամանակ Իմամօղլուն ու Յավաշը կոշտ քննադատության էին ենթարկել թուրքական պետական Անադոլու գործակալությունը՝ Թուրքիայի նախագահական ընտրությունների արդյունքների մասին ապակողմնորոշիչ տեղեկություններ հայտնելու համար։
Հիշեցնենք, որ նախագահական ընտրություններում հիմնական պայքարն ընթանում է գործող նախագահ Ռեջեփ Թայիփ Էրդողանի ու ընդդիմության միասնական թեկնածու Քեմալ Քըլըչդարօղլուի միջև։
Էմմա Չոբանյան
